RSS訂閱 《笑傲缸湖》花旗國嘅太空技術係宇宙最強就係人都知啦，專注喺航天產業嘅投資公司
Ｓｐａｃｅ Ａｎｇｅｌｓ最近就整咗一份新報告，發現ＮＡＳＡ或者花旗國空軍等政府機構早
期嘅投資，可能係商業太空公司發展為成功企業嘅最關鍵一步。嗰報告仲計埋政府機構喺過去
１８年裡面，同幾多個私營航空公司合作，同埋投入咗幾多嘅資金。
政府喺私營航天工業中，扮演著非常重要嘅角色，因為對於一家初發展嘅公司嚟講，早期嘅
政府投資喺可以盡快打好公司根基。而報告就發現喺２０００年至２０１８年期間，有６７家太
空公司總共收到嚟自政府嘅７２億美金投資，其中有約９３巴仙嘅投資擺咗喺致力於發射火箭嘅
公司度。
而「鋼鐵奇俠」馬斯克旗下嘅ＳｐａｃｅＸ就喺一個成功嘅例子，因為喺佢哋運營嘅頭
１０年裡面，營運成本就要１０億美金，其中有一半嘅就喺嚟自同ＮＡＳＡ嘅政府合同。
ＣＥＯ Ａｎｄｅｒｓｏｎ就好感激咁話，如果無ＮＡＳＡ嘅幫助，佢?係無可能做到而家咁。
不過，同政府合作都有缺點，例如程序過於繁瑣，所以有啲公司就唔會想有哩種合作關係。
不過，近排ＳｐａｃｅＸ嘅Ｃｒｅｗ Ｄｒａｇｏｎ太空船喺靜態火災測試時，好唔好彩地
個推進器發生爆炸事故，呢嗰正正係ＮＡＳＡ載人上太空嘅重要計畫之一，呢次爆炸搞到成個計
畫都要延後，始終都係命仔緊要嗎！由於安全性嘅問題，「孖屐」都有唔少風聲傳出話，
ＮＡＳＡ或者唔會再同ＳｐａｃｅＸ合作。
盈盈覺得，搞火箭真係係一門好高風險嘅生意，前期又要泵唔少資金，而且又有唔少不確定
因素，一次爆炸都唔知要等幾耐先可以再嚟過。如果冇政府條水喉射住，商業太空公司都唔知點
捱到落去。
據Ｓｐａｃｅ Ａｎｇｅｌｓ話，而家仲有好多太空公司仲未得到政府投資。據估算，有
３７５間私營航天公司由２００９年以嚟，總共獲得１９０億美金嘅私人資金。另外，至少有
１２３間公司註冊了ＤＵＮＳ數字（一項由九位數字而成嘅獨一無二全球編碼系統，主要用嚟識
別全球企業），但就仲未得到政府投資。雖然同政府合作嘅過程好鬼繁複，除非你係亞馬遜嘅貝
索斯（Ｂｅｚｏｓ），否則要進入呢一行咁燒錢嘅行業，冇政府補貼吓都真係好難捱！
《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
