RSS訂閱 《笑傲缸湖》講起馬里奧（孖寶兄弟）相信應該係唔少人嘅童年回憶，而老任（任天堂）又
出新意思，推出《馬里奧賽車巡迴賽》（Ｍａｒｉｏ Ｋａｒｔ Ｔｏｕｒ）嘅手遊，點知新
ｇａｍｅ一出，就打破老任嘅紀錄。《馬里奧賽車巡迴賽》喺上個月２５日正式開放下載，上架
一個禮拜，佢嘅下載數就（ＤＬ數、Ａｎｄｒｏｉｄ版同ｉＯＳ版嘅合計值）突破９０００萬次
，仲超越咗《寵物小精靈》（Ｐｏｋｅｍｏｎ ＧＯ）嘅下載量！
但喺大家最關心嘅課金問題上，《馬里奧賽車巡迴賽》就略為遜色，上架首星期嘅課金總額
為１２７０萬美金，僅排喺第三名，落後於《聖火降魔錄：英雄雲集》（Ｆｉｒｅ
Ｅｍｂｌｅｍ Ｈｅｒｏｅｓ）嘅２８２０萬美金同《超級馬里奧酷跑》嘅１６１０萬美金。從
下載平台嚟睇，ｉＯＳ版只有３６５０萬次，少於Ａｎｄｒｏｉｄ版嘅５３５０萬次，但係
ｉＯＳ版課金足足有９６０萬美金，佔整體７５﹒５％。不過，老任之前就有話喺，手遊上面更
感興趣嘅係推廣ＩＰ，用嚟喺未來尋求更多類似嘅經典體驗。
點解今次依個ｇａｍｅ咁受歡迎？從畫面設計同基本玩法上，同之前大家玩開嘅馬里奧賽車
一樣。但係最特別嘅係，今次依個ｇａｍｅ係可以單手操作，依點就大大咁降低咗玩家嘅門檻。
對玩家嚟講，單手操作都解除咗場合限制，依個都係老任布局手遊嘅初衷，令玩家可以喺任何場
景玩到。喺付費設計上，老任都汲取咗之前嘅經驗，採用免費加付費嘅抽卡模式，將部分人氣角
色同道具拿出嚟放入卡池。
受益於依Ｄ人氣手遊，老任今年嘅股價已經大漲差唔多四成。而從其今年嘅財報顯示，
２０１９年度第一季任包含手遊嘅「行動業務」營收比去年同期賺多１０％至１００億日圓。各
位老任嘅ＦＡＮＳ，要唔要即刻下載嚟支持一下呢？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
