RSS訂閱 《笑傲缸湖》北韓一向係一個神奇嘅國度，有唔少鮮為人知嘅「事實」真係唔講你唔知，例
如漢堡係金正恩發明、米奇老鼠係中國製造，領導人仲會有各項神奇力量，唔止識得呼風喚雨，
仲可以用松果造手榴彈，用沙子造大米，功力之高令人嘆為觀止！之前就有一首叫《將軍使用縮
地法》嘅歌，話第一代領導人金日成喺抗日鬥爭嗰陣用縮地術，神出鬼沒咁逃離日軍嘅圍捕喎。
嘩！聽落仲勁過《火影忍者》嘅東瀛忍術。
之不過北韓噚日居然一反常態，喺報紙登咗篇叫《縮地法的秘訣》嘅文章，講述金日成喺１
９４５年１１月同平安北道龍川郡居民嘅談話內容，當時有居民問：「想聽你講下抗日遊擊隊時
期用縮地法嘅故事」，而金日成就話，呢種縮短距離、來去自如嘅事，其實係做不到嘅。反而「
高度讚揚」人民嘅努力，話係通過同人民合作實現嘅現實戰略。過去日軍周圍探測游擊隊嘅行蹤
，但人民事先通知佢哋圍剿隊嘅移動路線，令游擊隊反而用伏擊戰消滅日軍，如果有縮地法，就
應該係群眾嘅縮地法。
消息一出，先唔好理金日成段對話係真定假，大家更好奇點解金仔要特登「澄清」，有分析
話，可能係因為北韓智能手機已經普及到６００萬部以上，一味洗腦同神化最高領導人已經很難
做好。同時金正恩想擺?爺爺金日成同爸爸金正日嘅神秘影子，建立返比較現實嘅領導人形象，
而唔係萬能嘅領導人。
盈盈覺得，呢個故事教訓我哋，幾完美嘅大話都有被踢爆嘅一日，做人都係誠實啲好，如果
唔小心被北韓人喺其他渠道知道原來一直以來所相信嘅都係假的，心理落差太大好有可能會心理
崩潰，宜家慢慢「澄清」大家都會容易啲接受，都算風險管理嘅一種。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
