RSS訂閱 《笑傲缸湖》近排入夏季，時唔時就會落暴雨，所以呢個日子如果唔記得帶遮，有可能分分
鐘就會變成落湯雞。不過，講起慘，都唔及廣汽本田嘅工廠。就好似上個禮拜喺廣州，就落咗場
大暴雨，廣汽本田嘅工廠新車庫存場地，一列列安裝好，整齊排好，準備交收嘅新車，就喺今次
呢場爆雨入面，齊齊浸水，水位仲沒過輪眉，有可能連駕駛位都入埋水。
有網友從相片粗略咁數，今次大概浸咗幾百部新車。從目測車型嚟睇，主要受影響嘅有飛度
、繽智同謳歌等。浸得咁犀利，呢Ｄ新車大多數都要報廢，正當大家諗廣州本田應該要點樣處理
嗰陣，官方就發回應：因為受到暴雨，造成了少量車輛受損，目前仍在統計當中，但係呢批車係
唔會進入銷售渠道的。所以大家就放心了，呢批浸過水嘅車唔會落入普通買家手。
不過，既然批車唔會喺「孖屐」流通，唔通就要丟去回收站？可能就有人心痛浪費咗呢批浸
水車。為此廣汽本田又話呢批車如果後期修復後滿足條件，就會轉成內部使用。據業內人士就話
，其實之前都有咁樣嘅事。受損但仍有修復價值嘅新車，會重新更換受損零件，當呢Ｄ車各項性
能都符合新車標準後，就會變成員工福利，以５、６折嘅優惠價喺內部銷售。但畢竟數量有限，
員工要抽簽抽到先有機會買到。
雖然係浸過水嘅車，但係各項性能都同新車無咩分別，仲可以以５、６折嘅價錢就可以得手
，搞到盈盈都有啲羨慕各位員工啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
