RSS訂閱 《笑傲缸湖》數字人民幣講咗一段時間，但究竟係點樣用呢？咩樣嘅呢？相信大家都非常好
奇，等盈盈話比大家聽啦！
最近深圳開展數位人民幣紅包試點，向深圳人發放１０００萬銀數位人仔紅包，每個紅包為
２００銀人仔，紅包數量共計５萬個。最終民眾都非常熱情，共１９１萬多人報名搖號，抽出咗
５萬人，中簽率僅為２﹒６巴仙。中簽者可以係呢個本月１２日傍晚６點至本月１８日嘅２４時
，係羅湖區轄內已完成數位人民幣系統改造的３３８９家商戶無門檻消費，認真夠新鮮同方便！
數字人民幣有分唔同顏色，比如建行發行嘅係藍色，農行嘅綠色，工行和中行嘅紅色，跟住
表面再加返偉大毛主席嘅照片，其實望落同人仔紙幣分別唔大。咁點用呢？根據數位人仔Ａｐｐ
，用手指滑上去為付款，滑落去收款，右上角為掃碼付款，大家可掃描商戶收款碼或者商戶掃描
使用者付款碼去消費。
參與呢次試點嘅商戶包括商場超市、生活服務、日用零售、餐飲消費等類型，中石化、華潤
萬家、沃爾瑪等商戶均可使用，搞到盈盈都想試下點用！
其實，環觀世界，神州嘅數字貨幣確實早行其他國家一步，除令人民消費更便利之餘，減少
現鈔流轉，少Ｄ病毒傳播，一舉兩得！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
