《笑傲缸湖》蘋果公司喺16號夜晚開始預售部分iPhone12,即使被唔少網民批評
新設計冇新意,但新機照舊賣斷市,當中神州蘇寧網購仲大賣145萬部,京東蘋果旗艦店,都
預售咗超過140萬部,當中預訂雙鏡頭iPhone12嘅人比較多,兩個平台加埋賣出超過
170萬部,成個系列嘅發貨時間已經排到兩至三個星期之後,賣得咁好,蘋果自然要加貨啦!
兩大代工大廠都紛紛搵工人返去趕工,仲出動到獎金去谷產量,鴻海富士康鄭州廠區獎金升
成一倍去到一萬蚊人仔,和碩上海火箭村區獎金仲誇張,加碼到13500蚊人仔!神州傳媒話
本身富士康鄭州廠7月底嘅返工獎金都係得5500人仔,而家工人只要在職時間多過90日,
同埋返工返夠55日就可以拎到一萬蚊人仔獎金,可見兩大廠商幾咁等人使。
雖然唔少人唔睇好今次iPhone12,不過都係「口裡說不,身體卻很誠實」,話就話
冇新意,之不過神州大部分分析師都認為,今次iPhone12推出撞正神州5G換機潮,而
iPhone12具備5G功能,加埋升級咗拍攝功能,最緊要係定價都算合理,預計會有3億
以上嘅蘋果用戶會喺未來18個月換機,需求非常強勁!分析同時睇好蘋果可以食住呢個勢擴大
喺神州嘅市場佔有率。而香江方面供貨充足,以iPhone12藍色128GB為例,最快1
0月24號就可以收到。趁依家所有型號都仲有得訂,盈盈都係快快手去訂翻部先,早買早享受
!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
全新節目《說說心理話》青少年不可以戀愛!?真實個案講述驚心動魄經歷► 即睇