笑傲江湖

20/10/2020 15:57

《笑傲缸湖》信用卡交易手續費好甘,米字國商家佬蝕到入心?

  《笑傲缸湖》最近Visa同Mastercard畀米字國嘅商家告佢哋濫收交易手續費
,零售組織話喺兩年內信用卡費用升咗成一倍,好多公司都話冇辦法承受咁貴嘅成本,未來可能
要轉嫁落消費者到,每人一年最少要找多40英鎊卡數咁話!
  可能大家會話,商家唔收信用卡做生意咪得,但疫情之下,就係冇辦法唔收信用卡,因為需
要保持社交距離,同埋要做網購及外送平台嘅生意,好多店舖都要焗住收信用卡,而米字國嘅信
用卡市場基本上就係畀Visa同Mastercard壟斷咗,如果商家要收信用卡都冇辦法
唔經佢哋嘅手。所以,最後零售商直情將兩間信用卡公司告上最高法院,話佢哋不停提高商戶交
易手續費係違反咗歐盟同米字國嘅競爭法,因為佢哋嘅市場地位,商家根本冇選擇用其他信用卡
服務商嘅自由。米字國零售商用現金交易嘅每宗平均成本係1﹒42便士,收借記卡嘅成本為5
﹒88便士,信用卡就要成足足18﹒4便士。人哋兩間公司加埋就霸住咗米字國98%嘅信用
卡市場,老實講真係冇佢哋符。 
  壟斷成個市場,加埋疫情帶嚟嘅宅經濟,Visa同Mastercard呢排咪賺到笑?
啱啱相反,兩間信用卡公司都生意大減,喺米字國一開始實施疫情管制嘅4月份,全國信用卡消
費已經冇咗一半,即使疫情受控措施放寬,大家嘅消費意欲都大不如前,加上全部用信用卡預付
嘅酒店機票餐廳錢都見財化水,信用卡公司唯有喺其他收入來源到賺返夠,好似提高商戶交易手
續費咁。但諗深一層,最後蝕到入肉嘅,咪就係身處「食物鏈」最底層嘅消費者,即係我哋囉。
《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新節目《說說心理話》原生家庭對成長有咩影響?改善溝通有計可施?► 即睇

放大顯示
練好基本功
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力