RSS訂閱 《笑傲缸湖》呢排疫情好反覆，經濟又唔多好，盈盈都笑得少咗，成日都冇嚟神氣，朝早搭
車返工嘅時候，見成架地鐵死氣沉沉咁。疫情下相信好多城市都係咁，為咗幫咁各位打工仔打打
氣，佳能研發咗個「笑容識別」門禁系統，系統會用ＡＩ掃瞄面部圖像，根據嘴角上揚程度呢啲
面部表情去識別身份，仲會順手量埋體溫，而家疫情之下用佢嚟管理出入人流就夠哂衛生，重點
係如果你對住門口部終端機苦口苦面嘅話，道門係唔會開俾你入，只有你對住佢會心微笑，佢先
會乖乖打開門俾你。除咗門禁管理之外，個系統仲有打卡、前台管理同管理會議室預約狀況等等
嘅功能，已經開始喺神州同星洲向辦公室、餐飲業、學校同醫院接訂單。
佢哋公司副總裁江原大成話，希望透過呢個系統令大家笑多啲，即使要喺疫情下生活都可以
有翻輕鬆嘅心情，但佳能邊有咁偉大咁有理想呀！新冠疫情搞到佳能今年４至６月史無前例咁要
倒貼做生意，神州業務都唔例外，公司盤數喺１０月神州國慶長假先有返啲起色。呢個新嘅「笑
容識別」門禁系統，就係為咗谷行神州業務增長而推出。不過，盈盈都幾ｂｕｙ佳能呢個Ｉｄｅ
ａ嘅，可能你會話日日要你強顏歡笑咪仲衰，但係開心又一日唔開心又一日，即使你有幾煩惱都
好，試吓笑多啲，一齊捱過去啦香江人！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
