RSS訂閱 《笑傲缸湖》講到虛擬貨幣，盈盈第一個就諗到比特幣！事關之前一直睇住佢越升越有，盈
盈就覺得呢隻產品都真係好瘋狂下！不過可能因為孖屐都擔心佢會升爆，所以Ｂｉｔｃｏｉｎ價
格走勢最近都要回吐一下，盈盈就諗：仲唔係入手嘅好時機？
不過投資嘅野，除咗自己分析，都要聽下專業意見。而股神巴菲特老友、伯克希爾哈撒韋副
董事長芒格（Ｃｈａｒｌｉｅ Ｍｕｎｇｅｒ）就覺得宜家投資Ｂｉｔｃｏｉｎ唔係一個好選擇
喎。點解佢咁樣講？事關佢覺得個股市實在炒得太火熱啦，而缸友買股就好像買馬，買輸贏咁款
，已經變成投機而唔係投資，令到個市好大陣泡沫Ｆｅｅｌ喎！佢更加建議大家千祈唔好掂Ｂｉ
ｔｃｏｉｎ，因為佢覺得比特幣太唔穩定，唔會做到可以係全球交易嘅工具。佢形容Ｂｉｔｃｏ
ｉｎ就好似人造黃金嘅替代品。而佢自己本身都唔買金，所以更加唔會考慮比特幣喎。
盈盈就覺得芒格有咁嘅諗法都好正常，因為佢同巴菲特咁多年都奉行「投資」，先有咁嘅成
績，而Ｂｉｔｃｏｉｎ雖然最近調整回吐，但一個ｃｏｉｎ都要成５０５２３美金，即係都要近
４０萬港紙一個架，如果個價唔覺意潛咗水，都真係幾傷！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
WoW WoW星期三：健康網購產品低至$99 (只限今天)► 立即行動
