RSS訂閱 《笑傲缸湖》加密貨幣真係越升越有！雖然比特幣之前有回吐，不過今朝已經急升返上去，
一度重上５萬美金水平！不過升到呢個水平，相信都唔係咁多缸友買得起。想玩加密貨幣其實都
唔只一個選擇嘅，其實唔少人都轉玩一隻叫以太幣，甚至已經喺南韓引起熱潮啦！
以太幣同比特幣有咩分別呢？大家都應該知道比特幣數量有限，而係需求咁大嘅情況下，就
會越難挖到，價格亦越高。不過以太幣就唔同啦，因為佢無設定上限，變相較容易挖到，而且入
場門檻相對較低，但講到競爭力，同比特幣始終都有分別嘅。不過南韓個邊似乎睇到佢有發展潛
力，齊齊開挖以太幣！而當地亦有成兩成嘅網吧都轉型做以太坊礦工搵真銀！
而有傳媒報道話，如果網吧可以用２００部電腦齊齊「挖礦」，相信用１５個鐘頭都可以賺
到１００萬韓元！即係大約６９００蚊港紙左右，一個月就可以搵成２０萬港幣咁多！真係年薪
２００萬不是夢！
雖然盈盈無咁多部電腦挖礦，但睇到大家有錢賺都好開心。而加密貨幣到底可以炒幾耐都真
係好難講，但睇返加密貨幣交易所Ｃｏｉｎｂａｓｅ最新數據，以太幣依加大約１２０００蚊港
紙一個，比起比特幣都算好落後，如果遲啲有機會衝高，或者都可以諗下靠佢致富？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
