《笑傲缸湖》SpaceX致力帶地球人上月球就係人都知,而第一次「私人繞月之旅」最
快可以喺2023年實現。第一個落訂嘅乘客就係嚟自東瀛嘅億萬富翁前澤友作,佢會搭乘馬斯
克同NASA合作研發嘅獵鷹火箭同龍飛船,圍繞月球一周之後返地球。前澤友作最新公布打算
喺全球揀8個人陪佢飛,仲一毫子都唔使畀添。
首先要講講前澤友作,佢係賣CD起家,仲係一個藝術收藏家。創立咗服裝購物網站ZOZ
OTOWN,母公司ZOZO2007年喺東京交易所上市,2019年9月因為資金問題,佢
將ZOZO超過五成股份賣畀日本雅虎公司,淨係留低6巴仙股份。之後成立咗一間新公司St
art Today做社長。依家身家有近300億港紙。
關於呢次太空旅行,佢邀請嘅對象初初話要係一名女性嘅人生伴侶,之後以心理準備不足為
由取消。中間話過要請6至8名藝術家,到依家就開放畀全人類申請,不過要符合兩個關鍵標準
,首先係乘客可以通過進入太空去推進任何活動,其次係願意並能夠支持其他有類似抱負嘅宇航
員。
靠翻譯網站睇返啲日媒報道,成個輪選過程有5個steps,好似要考試同面試。盈盈貼
心咁連網址都畀埋缸友啦,https:╱╱dearmoon﹒earth╱ja╱pre-
reg﹒html#ja,今次招募嘅報名截止日期係今個月14號,鍾意嘅不妨去撞下彩。
話說,廣東話有兩個諺語形容啲身先士卒嘅人,一個係「飲頭啖湯」,第二個係「行先死先
」,所以報名之前真係要權衡下利弊,祝各位好運!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情