RSS訂閱 《笑傲缸湖》近期香江孖屐悶到出汁，反而花旗三大指數接連破頂，「股神」巴菲特旗下巴
郡Ａ股（美：ＢＲＫ﹒Ａ）更加彈到每股４３﹒７萬美金，即係大概３４０萬港紙，升到連納斯
達克交易所系統都死機，貴到報唔到價。
睇返數據，巴郡Ａ股響上星期五（７號）收報每股４３７１３１美金，按日升０﹒４６巴仙
，最高見過４４﹒５萬美金。由於納斯達克系統受電腦格式限制，報價上限係４２９４９６﹒７
２９５美金，今次巴郡升到爆哂廠自然出唔到個價，需要特登ｕｐｇｒａｄｅ系統，直到１７號
先恢復報價。
巴郡Ａ股股價高居全球第一，第二名嘅美國房屋建築商ＮＶＲ上星期五都係收報５２００幾
美金，連巴郡車尾燈都見唔到，年初迄今巴郡Ａ股彈高兩成八，市值更由５９０億暴漲至２７８
９億美金，「股神」個朵認真吃香。
即使股價去到６位數會引發唔少交易問題，巴菲特佢老人家仍然堅持唔拆股，唔希望缸友短
炒巴郡搵快錢，堅守價值投資。但一股巴郡Ａ股都差不多半層兩房樓價，盈盈都係認命買返Ｂ股
算啦。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
WoW WoW星期三：健康網購產品低至$99 (只限今天)► 立即行動
