RSS訂閱 《笑傲缸湖》美股維珍銀河（ＵＳ﹒ＳＰＡＣ）創始人Ｒｉｃｈａｒｄ Ｂｒａｎｓｏｎ終
於實現咗佢嘅夢想！幾日前同另外５位乘客，搭乘團結號（ＶＳＳ Ｕｎｉｔｙ）一齊勇闖太空
，比同樣話要上太空嘅亞馬遜創辦人Ｊｅｆｆ Ｂｅｚｏｓ足足要早咗９天，咪話唔威！
不過，近期有唔少人批評佢，有人話Ｒｉｃｈａｒｄ為實現呢個目標，前前後後總共洗咗８
﹒４１億美元，人哋覺得呢筆錢應該用喺地球更逼切嘅問題上。
Ｒｉｃｈａｒｄ就話，佢百分之百同意，有錢人應該將佢哋大部分嘅錢用來解決呢啲問題，
但大家要創造新嘅產業，比更多機會啲工程師同科學家們創造更奇妙嘅嘢，而花費嘅環境成本只
係過去嘅一小部分。
除咗Ｒｉｃｈａｒｄ Ｂｒａｎｓｏｎ同Ｊｅｆｆ Ｂｅｚｏｓ，Ｅｌｏｎ Ｍａｓｋ都非
常癡迷創造太空產業。佢曾經話過，人類對於一個太空文明同多星球物種係好重要嘅。而喺火星
上建造一座城市將需要大量資源，所以佢希望能夠為打造火星城市盡量貢獻。
其實盈盈就某程度上同意Ｒｉｃｈａｒｄ Ｂｒａｎｓｏｎ嘅講法，因為呢一刻發展太空科
技可能係好嘥錢，不過難保有一日，人類需要搬去其他星球居住，可以話為人類未來生命未雨綢
繆！另外，其實依家全世界央行貨幣政策都行量化寬鬆，美國政府係咪會無錢做其其他嘢？大家
可以思考下！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
