RSS訂閱 《笑傲缸湖》疫情關係，就算有大把人想約盈盈，盈盈都少咗出街睇戲。不過上個禮拜《黑
寡婦》啱啱喺香港上映，５日就有成２４００幾萬票房，睇嚟Ｍａｒｖｅｌ迷都完全無有怕。因
為係迪士尼發行，唔想出街就剩係可以用Ｄｉｓｎｅｙ＋睇《黑寡婦》，香港又未有喎，搞到盈
盈想喺屋企睇都唔得！不過如果個個都響屋企睇戲，咁唔知仲可唔可以５日就２４００萬票房呢
？
雖然睇落響屋企ｏｎｌｉｎｅ睇戲會影響實際電影票房，不過喺美國嗰邊，剩係北美票房都
收８０００萬美金，國際票房收７８００萬美金，最估唔到Ｄｉｓｎｅｙ＋都收咗成６０００萬
美金，都唔少喎！咁如果迪士尼之後唔再響戲院上新戲，剩係靠Ｄｉｓｎｅｙ＋做串流上映又有
無得諗呢？
假設一套戲響戲院上映，收返嚟嘅票房就要製片商、發行商同戲院３份攤分。雖然而家係因
為疫情，逼不得已要戲院同串流同時上映，但因為迪士尼同時係《黑寡婦》嘅製片商同發行商，
就算只響戲院上映，都已經攞咗３分之２票房收益我；用埋自家平台獨家上映，自己的戲自己播
，差唔多成份票房收益都係自己食曬，不知幾和味！
不過無論係串流定戲院上映，最大問題始終係盜版。用串流經電腦播，好容易就會被有心之
人錄到一條超高清盜版，比起戲院盜錄版一定高清勁多！咁高清嘅盜版，又使乜自己畀錢買呢？
就算唔講盜版，如果剩係做串流上映，一個訂戶響Ｄｉｓｎｅｙ＋用３０美金買一次《黑寡婦》
播映權，就可以同兩三四個，甚至一大班朋友親戚一齊睇，絕對會影響收入啦！
所以話，串流播放係取代唔到入戲院睇戲，雖然內容都重要，但係入戲院嘅獨有感覺，先係
戲院最賺錢嘅地方。盈盈都好期待同全院滿座嘅觀眾一齊睇戲呀！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
