RSS訂閱 《笑傲缸湖》紅爆全球嘅Ｎｅｔｆｌｉｘ韓劇《魷魚遊戲》，上個月已經完晒。呢套全篇９
集嘅劇集，完全話你知咩係「用蔗渣嘅價錢，拍出燒鵝嘅味道」！
近排《彭博》引述Ｎｅｔｆｌｉｘ內部文件估計，《魷魚遊戲》帶嚟近９億美元（約７０﹒
２億港元）嘅價值。得人驚嘅係，原來呢套電視劇單計第一季，只係花咗２１４０萬美元（約１
﹒６７億港元）嘅製作費，即係話賺咗超過４０倍嘅價值！
４５６個孭成身債嘅人，為咗贏到４５６韓元嘅獎金，最後參加一系列嘅遊戲，成個構思唔
係好特別，但係輸咗嘅人要死，當中人性嘅刻畫、種種黑幕，的確幾引人入勝。演員們嘅演技ｃ
ａｒｒｙ晒成套劇，男主角李政宰食焦糖餅個幕，直頭做到萬能ｋｅｙ添！
呢套劇出街之後，成為Ｎｅｔｆｌｉｘ最受歡迎的非英語原創劇集，只係用短短１７日，就
吸引咗１﹒１１億觀眾睇，破晒平台喺電劇視相關嘅紀錄。《魷魚遊戲》仲令到學韓文嘅人多咗
好多！全球最大線上外語Ａｐｐ「Ｄｕｏｌｉｎｇｏ」就話，喺英國新學韓文嘅人升７６％，美
國升４０％，目前Ｄｕｏｌｉｎｇｏ全球學韓文學員去到７９０萬，僅次於印度文。
《魷魚遊戲》帶嚟嘅價值，可以話遠超想像，只不過劇情上都係有啲諗唔明嘅。例如，劇裡
面嘅「大隻警官」黃俊昊，雖然最尾如願搵到佢哥哥，最後發現竟然係面具人嘅首領。哥哥之前
為咗弟弟割腎，但最後諗都唔諗一槍打死細佬，呢個位睇到有啲「黑人問號」。所以，盈盈覺得
呢套而家值７０億嘅韓劇喺人性上嘅刻畫唔錯，但仲未去到「神劇」嘅級數。睇下嚟緊會唔會拍
第二季，補返之前啲ｂｕｇ位啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
