RSS訂閱 《笑傲缸湖》根據外媒報道，新研究發現，暗網比以前更加危險，根據微軟公布嘅數據，暗
網用戶可以用低於５００美元嘅價格，獲得大多數網絡犯罪服務，例如係幫人偷取個人資料，Ａ
ｔｌａｓ ＶＰＮ發現，地下市場為人提供一次勒索服務，所需價格低至６６美金！而黑客對目
標進行長達１個月嘅持續ＤＤｏＳ攻擊，都只係約３１１美金！盈盈就話，攻擊人地嘅收費仲平
過買防毒軟件！
唔止服務平，連網上個人賬戶資料都一樣平到你唔信，每１０００個被盜嘅用戶名同密碼資
料只賣９７美分，而黑客仲會幫手偷資料，如信用卡詐騙或身份盜竊，價格都係低至２５０美元
！黑客仲喺幾個暗網市場上發布漏洞數據，令零售、政府、游戲和媒體領域機密資料一覽無遺，
而研究人員發現，２０２１年漏洞數據嘅瀏覽量超過１３２００次，比２０１５年嘅１１００次
大幅增加，好明顯，地下平台已經成為網絡犯罪分子嘅一個聚居地！
雲安全公司Ｂｉｔｇｌａｓｓ發現同六年前相比，今日被盜嘅個人數據喺暗網上嘅傳播速度
，快咗１１倍咁多！ ２０１５年達到１１００次鏈接瀏覽所需嘅時間系１２天。而喺２０２１
年，目標喺訪問假數據方面明顯更快，因為佢哋只用咗唔到２４小時嘅咋！
盈盈就話網絡犯罪分子，作為電腦高手，真係完全逃避咗法律嘅制裁，因為佢哋可以掩蓋自
己嘅「行蹤」，即使企業同組織嘅努力抵抗，都仲未能夠欄截佢地高級嘅網絡攻擊，就算執法部
門越嚟越加強追蹤，但暗客黑客都仲會繼續利用匿名ＶＰＮ和代理嚟躲避，真係無法無攻天！唯
有高手先可以反制佢地啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
WoW WoW星期三：健康網購產品低至$99 (只限今天)► 立即行動
