《笑傲缸湖》係人都知道侵侵言行出位,自從今年一月國會山莊衝擊事件後,就俾各大分社
交媒體封殺帳戶,美國前總統侵侵前日就宣布,要成立自家新社群平台Truth Socia
l,仲計畫將自己嘅媒體公司同DWAC合併借殼上市,令DWAC股價尋晚一度爆4倍!
侵侵人氣真係唔話得,數據顯示散戶係推動股價上漲嘅大功臣!DWAC周四收盤暴漲
356﹒83%咁多,去到每股 45﹒50 美元,觸發咗幾次熔斷暫停交易!社群媒體嘅散
戶投資人推動股票爆升,根據分析平台Quiver Quantitative ,DWAC
當天亦都喺Reddit嘅 WallStreetBets論壇中躋身十大最受歡迎關鍵字
之列,提及次數仲多過迷因股 GameStop(GME-US)啊!
特朗普新成立嘅媒體公司「川普媒體科技集團」星期三就發布新聞稿,話即將推出社交平台
Truth Social,而TMTG借殼上市後,最初企業價值為8﹒75億美元,另外
加上併購後盈利結算嘅 8﹒25億美元,總計估值高達17億美元咁多,消息一出,DWAC
更為美股星期四交易日當天喺富達股票平台,交易最活躍嘅股票,買入與賣出嘅比例接近3比1
,FactSet數據顯示,截至午盤交易,DWAC股票已轉手超過4﹒7億股!個個都十分
睇好參參東山再起,睇來參參真係好受歡迎!
而DWAC執行長Patrick Orlando就話,TMTG係實現目標最有潛力嘅
合作夥伴,又覺得侵侵以往喺Twitter有大量嘅追隨者,好有價值,除社交平台外,侵侵
亦有意推出,由DWAC同TMTG兩者合作籌備一個類似Netflix嘅訂閱制影片平台!
睇來侵侵真係要回歸社交平台啦!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
全新節目《說說心理話》原生家庭對成長有咩影響?改善溝通有計可施?► 即睇