RSS訂閱 《笑傲缸湖》虛擬貨幣世界咁大，邊一款最啱你呢？隔晚就好多人捧柴犬幣（Ｓｈｉｂａ
Ｉｎｕ），曾經去到０﹒００００４４６５美元嘅歷史新高。不過，之後升幅回落返啲，可能因
為Ｔｅｓｌａ創辨人馬斯克Ｅｌｏｎ Ｍｕｓｋ嘅一句說話！
柴犬幣過去廿四個鐘成交量達１５１﹒５５億美元，僅次於比特幣同泰達幣，位列全球第三
名。有網民就喺Ｔｗｉｔｔｅｒ到，問Ｅｌｏｎ Ｍｕｓｋ揸住幾多柴犬幣，結果佢講一句「沒
有（Ｎｏｎｅ）」。帖文一出，本來升到嘭嘭聲嘅柴犬幣，即刻唔太畀力，一個鐘頭內由０﹒
０００４３０４美元，跌到０﹒００３８９６美元，咁就跌咗近一成啦！
雖然無講到點解無揸住柴犬幣，不過Ｅｌｏｎ Ｍｕｓｋ有講佢揸緊邊啲虛幣。「狗狗幣百
萬富翁」Ｇｌａｕｂｅｒ Ｃｏｎｔｅｓｓｏｔｏ喺Ｔｗｉｔｔｅｒ引述一篇報道，話有三分之
一嘅美國加密貨幣持有人都有狗狗幣。Ｅｌｏｎ Ｍｕｓｋ回覆話，曾經同好多喺Ｔｅｓｌａ生
產線或者喺ＳｐａｃｅＸ製造火箭嘅人傾過，佢哋都有狗狗幣，仲強調自己咁撐狗狗幣，全因佢
係「最親民嘅加密貨幣」。除咗狗狗幣之外，Ｅｌｏｎ Ｍｕｓｋ話仲揸住比特幣同以太幣。
而家講到狗狗幣咁「親民」，但係Ｅｌｏｎ Ｍｕｓｋ批評過狗狗幣係個「騙局」，價格一
度跌超過三成，連埋比特幣和以太幣等齊齊「炒車」。雖然佢後尾都有補鑊「救市」，話Ｓｐａ
ｃｅＸ出年會帶狗狗幣上月球，但係講啲嘢一時一樣，下次又話唔鐘意狗狗幣咪出事？媽呀，盈
盈覺得好亂呀！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
