RSS訂閱 《笑傲缸湖》之前香江就有位善長人翁經宣明會助養咗兒童十幾年後，先發現咁多年來畀嘅
錢都唔係直接落到受助人個袋，仲要個所謂受助人睇落仲好景過自己，呢吓先崩潰！為咗睇實千
里之外嘅行動係按照善長人翁嘅劇本進行，有平台就用區塊鏈科技幫手監測住種樹
ｐｒｏｊｅｃｔ嘅每一棵樹，睇實棵樹嘅生長狀況，唔知宣明會有無意思要參考吓呢？
區塊鏈平台Ｖｅｒｉｔｒｅｅ係個用區塊鏈技術監察實行還地於林嘅組織，會同好多大企業
合作搞ＥＳＧ Ｐｒｏｊｅｃｔ，最近就同韓國「三叔」搞咗次喺馬達加斯加紅樹林種２００萬
棵樹。可能好多人連馬達加斯加喺邊都未知，不過Ｖｅｒｉｔｒｅｅ就可以幫投資者監察住個種
樹計劃，甚至每一棵樹。
經過區塊鏈平台，每一棵樹都會獲發唯一名牌，當地負責種植的人員會提交種植狀況嘅即時
數據，數據會記錄喺區塊鏈入面，因為每棵樹都有自己個ｃｏｄｅ，所以可以確保樹木唔會重複
計算。之後善長人翁就可以經個Ａｐｐ睇實每棵樹嘅生長進度、唔同樹之間生長有無唔同、吸咗
幾多碳等，因為係上咗區塊鏈，亦都可以確保唔會有人偷偷哋改咗佢。
所以區塊鏈除咗用喺大家熱炒嘅Ｃｒｙｐｔｏ之上，基於「不可篡改」同「獨一無二」嘅性
質，區塊鏈仲有好多唔同嘅作為。盈盈就覺得呢個方式非常值得宣明會借鑒，畢竟我哋真金白銀
，都係想幫到真係有需要嘅人，但係山高皇帝遠，你話點都得啦。以為有名有姓就有保證，點知
乜都係假，有區塊鏈幫手增加透明度就真實得多啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
