《開市Ｇｏｏｄ Ｍｏｒｎｉｎｇ》人民銀行宣布下調貸款市場報價利率（ＬＰＲ），市場
憧憬神州貨幣政策轉趨寬鬆，刺激魚缸急飆逾８２４點，升破１００天線，大市總成交額急增至
近１８００億元，創逾個半月高。魚缸嚟到兩萬五邊，有無力再下一城，升穿兩萬五關？
科技指數飆逾４巴仙跑贏大市，代表科技股嘅軟件服務行業錄得超過７５億元資金淨掃貨，
騰訊（００７００）、美團（０３６９０）、快手（０１０２４）、阿里巴巴（０９９８８）仲
包辦現貨主板市場上，資金淨主動買入最多嘅個股！科技股咁威水，已經消化晒花旗國加息嘅負
面因素？不過，花旗國擬擴大反壟斷法範圍，納入ＴｉｋＴｏｋ同騰訊旗下微信，潛在監管風險
要小心？
市傳中央放寬內房託管帳戶限制，大行亦齊齊唱好內房股，惟揀股策略各有不同，摩通偏好
低風險民企；富瑞就首選龍頭股份。事實上，今日二線內房股表現較龍頭標青，若想捕捉短期反
彈，應該點選股？內房股氣氛好轉，帶挈埋內險股齊齊上升，中國平安（０２３１８）、中國人
壽（０２６２８）急升逾７巴仙及近４巴仙，短期仲有幾多水位？
聽日（２１日）「開市Ｇｏｏｄ Ｍｏｒｎｉｎｇ」搵嚟香港股票分析師協會副主席潘鐵珊
，同大家分析上述股份、大市走勢，同埋當日嘅焦點股！歡迎大家提問投資及其他股票問題。
記得準時８：５５ａｍ，昅實《經濟通》ＮｅｗｓＴＶ直播節目－－開市Ｇｏｏｄ
Ｍｏｒｎｉｎｇ喇！或者ｃｌｉｃｋ入嚟（ｈｔｔｐｓ：╱╱ｙｏｕｔｕ﹒ｂｅ╱
ｚｌＢ６ｘｈｓｂＫｅＥ）打個卡先又得！
全新節目《說說心理話》青少年不可以戀愛！？真實個案講述驚心動魄經歷► 即睇
