《古臣周記》花旗國對神州企業華為嘅打壓進一步延伸至其晶片供應商--中芯國際
(00981)。最新有傳華府正考慮將中芯列入貿易黑名單,原因是中芯同神州軍方有關係。
一旦中芯好似華為咁列入實體清單或黑名單,企業出口原材料比中芯時需要獲得花旗國政府嘅特
別許可。事實上,根據早前花旗國進一步限制華為嘅措施,中芯出貨比華為事實已經受到華府嘅
限制,而今次事件將會對中芯造成更致命嘅衝擊。
*中芯三分一主要供應商來自花旗國*
據本地媒體引述彭博數據分析,中芯最主要嘅30間供應商中,有10間係來自花旗國,當
中以科林研發(Lam Research)為主要供應商;數量第二多嘅係神州企業,有6間
;而台企有4間,其餘德國、以色列、東瀛國、泡菜國則各有2間。不過當中最大嘅供應商係來
自荷蘭嘅高端半導體設備製造商ASML,佔咗中芯一成一嘅資本支出。但中芯只係佔咗
ASML約0﹒12巴仙嘅收入。所以ASML唔供貨比中芯可以話影響不大。
而且喺花旗國嘅攔阻之下,中芯舊年向ASML落單買EUV光刻機至今都未能成功。
ASML獨家供應嘅EUV光刻設備,係台積電同三星電子生產7納米產品不可或缺嘅設備。
*花旗國制裁行動恐令中芯客戶轉單*
除咗設備供應之外,一旦花旗國出手禁止任何同中芯嘅交易,或中芯因為供應鏈出現咗問題
,中芯原來嘅客戶同市佔都會直接受到衝擊。目前中芯最大嘅38個客戶中,13間來自神州,
其中華為係最大客戶,貢獻中芯近一成九嘅收入;有10間來自寶島;有9間來自花旗國,其中
高通係最大嘅花旗國客戶。
分析指,IC設計客戶為咗避免出貨疑慮,預料將轉單至台積電、聯電、世界先進、力積電
等寶島代工廠。喺日前花旗國考慮制裁中芯嘅傳聞一出,寶島嘅聯電預期受惠轉單股價當日直接
漲停。除咗中芯受挫之外,對神州過千家IC設計公司而言都係惡夢,因為佢地唔多唔少長期依
賴呢間神州龍頭晶片代工廠。
*神州難以升級技術惟影響5G有限*
大行高盛預期,花旗國今次針對中芯嘅制裁可能有兩種可能性,第一係全部晶片嘅生產受到
限制,咁樣對公司短期衝擊唔太明顯,反而會因減少先進製程嘅業務同相關研發,提升毛利率,
但長時間影響會逐步擴大,估計未來五年中芯嘅淨利率會下跌3巴仙至四成八。第二種可能就只
係先進製程嘅晶片受限,即使28納米之前嘅成熟製程仍可以獲得相關需要嘅技術同設備,不過
咁樣亦會令淨利率最多下跌一成四。
富瑞就話,花旗國喺半導體生產設備同和集成電路設計軟件領域,分別佔有逾五成同九成嘅
市佔率,一旦花旗國對呢啲技術實施出口限制,神州將難以升級晶圓製造技術,而且未來或有更
多神州公司被連累。
而瑞信就認為,就算中芯受制裁,亦未必對神州5G進程造成好大影響,因為中芯目前喺晶
片代工嘅市佔率唔大,而且九成收入都他來自40納米或以上嘅晶片,呢部分可以有其他廠商可
以取代中芯,而且台積電同聯電亦有發展中國業務,所以對5G進程影響有限。
*中芯前景未明朗,現價不宜博撈底*
由於目前花旗國對中芯嘅行動仲未明朗化,而短期內中美嘅關係非但見唔到有緩和跡象,更
會因為花旗國大選而愈趨緊張,所以最終出台嘅機會都相當大。參考2017年中興通訊
(00763)因違反聯合國對伊朗同北韓嘅禁運規定,被花旗國實施禁售令嘅制裁,導致中興
都要簽下11﹒9億美金嘅巨額罰款,今次中芯同樣係關鍵技術同設備受制於花旗國,因此前景
唔太明朗。
而即使中芯股價喺星期一(7日)急跌逾兩成,今年以今仍升約五成六,往績市盈率亦仍有
60倍,現價真係唔吸引。再加上失去咗製作先進進程晶片嘅憧憬,「中國芯」就同普通晶片佬
無異,神州龍頭嘅位置都危危乎,所以阿臣都係等埋花旗國最新行動再作部署啦。
另外,阿臣認購5手農夫山泉(09633),一手都抽唔到,資金回籠,本周暫時按兵不
動。
表列截至9月9日早上11時20分阿臣投資組合表現:
股份 股數 平均買入價(元) 現價(元) 總值(元)
---------------------------------------
港股:
SPDR金ETF 10股 1097﹒00 1403﹒00 14030
平安好醫生 200股 52﹒90 107﹒90 21580
阿里巴巴 200股 210﹒50 262﹒20 52440
港交所 100股 264﹒50 365﹒20 36520
---------------------------------------
股票市值 : 124570元
剩餘現金 : 108869元
組合淨值 : 233439元
組合本月收益表現: -3﹒2%(截至上月底止組合淨值:241112元)
組合累計收益表現: +122﹒3%(本金105000元計)(2016年8月開倉)
*數據截至9月9日早上11時20分
全新節目《說說心理話》青少年不可以戀愛!?真實個案講述驚心動魄經歷► 即睇