按盤價 
《小傳日記》銀行風暴終於打到大行，就因為大股東沙特國家銀行講咗一句唔肯科水，孖屐
就擔心瑞信都一樣會爆煲，瑞士央行即時出嚟攬上身，緊急借咗５００億瑞郎畀瑞信解決問題。
隔晚孖屐驚完一輪，今日沙特國家銀行董事長先出嚟講一句話瑞信一切都正常，唔需要更多資金
，即係無事啦！
魚缸呢邊都繼續受影響，金融股要跌都不在話吓，連呢期熱炒直播股都順勢散水，今日
ＴＶＢ（００５１１）就播埋個大結局，跌兩成幾完場！而之前因為ＴＶＢ炒高，個個轉錢衝去
炒而要捱沽嘅東方甄選（０１７９７），啱啱改完名都無得沖喜吓，今日都要跌３巴仙。
不過近排東方甄選都開始運滯，呢兩日又被翻炒之前賣假貨。不過實際上稱唔上係假貨，事
緣舊年６月，東方甄選試過賣一批「１００％野生海捕大蝦」，不過有人買咗之後就發覺其實係
養蝦，投訴半年都無人應之後就憤而起訴，呢個時候東方甄選先走出嚟話自己都係被人扼。尤其
當日賣蝦嘅就正正係東方甄選嘅台柱董宇輝，一向佢都係形象正面真誠，賣咗假海蝦之後無論公
司同佢都無回應，先至令上面消費者失望，仲要賴落供應商，直頭上升到關公級別。
噚晚東方甄選ＣＥＯ就出嚟回應，話歡迎批評同監督，但係就唔好針對任何主播，因為主播
只係喺鏡頭前介紹產品，但係產品質量嘅把控都唔應該由主播來負責。
不過又好難怪，董宇輝係台柱，當初就係佢開始用雙語帶貨帶紅東方甄選，所以佢就已經象
徵東方甄選，所以消費者好容易就會入佢數。其實今次東方甄選都算處理得好差，簡單一早回水
就可以解決件事，要等拖到半年先講一句話自己都係畀人扼，的確係難啲接受，如果之後唔做返
好個形象，都唔知個日均ＧＭＶ會唔會再跌落去，請請！
＊編者按：本欄搜羅即日熱門傳聞，惟消息未經證實，《經濟通》亦不保證內容之準確性；本文
只供參考之用，並不構成要約、招攬或邀請、誘使、任何不論種類或形式之申述或訂立任何建議
及推薦，讀者務請運用個人獨立思考能力自行作出投資決定，如因相關建議招致損失，概與《經
濟通》、編者及作者無關。
etnet榮獲HKEX Awards 2023 「最佳表現證券數據供應商」大獎► 了解詳情
