按盤價 
《小傳日記》奧運今晚開幕喇！東京想搞好奧運，不過好似就搞著個「衰運」，接二連三有
運動員確診，仲搞到要退出比賽。東京仲放風話，如果疫情太嚴重，到最後一刻取消都有可能。
運動會危危乎，連帶香港呢邊嘅體育用品都無人睇好，今朝隻安踏（０２０２０）就早段就跌５
％，連埋其他同行齊齊玩跳水。
都無可厚非嘅，奧運硬上馬咁搞，分分鐘隨時又會有一兩宗運動員確診，短期揸體育用品上
落都會大，沽咁啲退場都會安心啲。
就上個禮拜，麥格理同大摩兩間大行就一齊唱好安踏，拉高目標價上到２００蚊樓上。麥格
理就預估，安踏嘅零售銷售年複合增長率會去到２１﹒５％，２０２５年前都會繼續擴大市佔。
又講到原來中國喺人均運動服裝支出方面仍然遠遠落後於發達國家，所以品牌都仲有大把上升空
間；大摩就讚安踏有口齒，就算訂立嘅目標進取過行家，但最後都可以達到，睇好佢哋會做到２
０２５年營收達到至６００億至８００億人仔呢個目標，所以就估２０２１至２０２３年銷售及
盈利會再升多１至３％。
其實中國體育用品，比起外國體育牌子，有樣最唔同嘅就係會有國民嘅齊心支持。運動衫運
動鞋著得舒服，銷量會有一定保證。睇返唔同中國體育用品，喺今年整體都升唔少，反映體育市
場都仲有空間上升。再加上比起魚缸熱炒嘅科技股，體育用品行業少啲監管新聞，相對地中長線
揸可能比較穩陣啦！
表列同板塊或相關股份表現（截至中午收市）：
股份（編號） 現價 變幅
－－－－－－－－－－－－－－－－－－－－－－－－－－－－－－
安踏（０２０２０） １６８﹒７０元 跌５﹒１７％
３６１度（０１３６１） ３﹒４２元 跌０﹒２９％
特步（０１３６８） １１﹒５０元 跌１０﹒０２％
申洲（０２３１３） １６８﹒２０元 跌０﹒５３％
李寧（０２３３１） ８２﹒７０元 跌９﹒５２％
中動向（０３８１８） １﹒１３元 跌３﹒４２％
滔搏（０６１１０） １１﹒０２元 無升跌
非凡（０８０３２） １﹒３８元 跌１０﹒３９％
－－－－－－－－－－－－－－－－－－－－－－－－－－－－－－
《編者按》本欄搜羅即日熱門傳聞，惟消息未經證實，《經濟通》亦不保證內容之準確性
本文只供參考之用，並不構成要約、招攬或邀請、誘使、任何不論種類或形式
之申述或訂立任何建議及推薦，讀者務請運用個人獨立思考能力自行作出投資
決定，如因相關建議招致損失，概與《經濟通》、編者及作者無涉。
全新節目《說說心理話》青少年不可以戀愛！？真實個案講述驚心動魄經歷► 即睇
