按盤價 
《開市Ｇｏｏｄ Ｍｏｒｎｉｎｇ》魚缸放完勞動節假期後表現神勇，主要功臣ＡＩＡ
（０１２９９）單日貢獻恆指近１２０點！無他，都係因為神州計劃對外開放保險「孖屐」，而
ＡＩＡ亦一早就喺神州建立業務據點，而神州今次再開放呢個「孖屐」，對ＡＩＡ嚟講係唔係最
受惠？對比其他地頭蟲，呢個過江龍又有Ｄ咩優勝地方？部署方面，ＡＩＡ今日以一支大陽燭兼
破埋頂，又應該吼咩位買入好？嚟緊有冇望挑戰「紅底」？
講完友邦再講另一隻近期熱炒嘅青啤（００１６８），今日強勢創咗超過四年新高，由於佢
首季成績都幾省鏡，加上而家愈嚟愈熱，缸友對啤酒嘅需求預期都會愈嚟愈大，青啤次季業績可
以延續增長？隨住外國品牌加大喺神州嘅促銷，神州啤酒「孖屐」嘅競爭會劇烈？
ＱＱ（００７００）有份持股嘅同程藝龍（００７８０）今日都勁彈近６巴仙，距離歷史高
位１９﹒９８銀只有大約７巴仙嘅水位，市況轉好下，佢又有冇「餐士」挑戰返山頂位？作為新
經濟股，佢嘅業績相當出眾，舊年仲多賺１﹒７倍，有大股東ＱＱ撐腰下，嚟緊業務可以睇高一
線？
聽日（３日）「開市Ｇｏｏｄ Ｍｏｒｎｉｎｇ」，請嚟宏匯資產管理董事及投資策略總監
林嘉麒，同大家分析上述股份同埋大市走勢，請大家萬勿錯過！
記住聽日８：５５ａｍ，準時ｃｌｉｃｋ入ｗｗｗ﹒ｅｔｎｅｔ﹒ｃｏｍ﹒ｈｋ或
ｈｔｔｐ：╱╱ｆｂ﹒ｍｅ╱ｅｔｎｅｔ﹒ｃｏｍ﹒ｈｋ，昅實《經濟通》ＮｅｗｓＴＶ全新直
播節目－－開市Ｇｏｏｄ Ｍｏｒｎｉｎｇ喇！
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
