15234 恒指摩通九十購E (認購證)
即時 按盤價 不變0.010 0.000 (0.000%)

19/09/2019 11:58

《魚缸博客》南方能源再瀉都唔可以沾手,事關升跌勢全賴北水!

  《魚缸博客》當缸友們以為魚缸三連跌兼三連陰之後,應該有機會蜈蚣彈,點知今日開多支
大陰燭,半日仲試過插水300點。
  日前三桶油畀缸友追住掟之際,煤炭佬普遍都有力撐,除咗藍戰士神華(01088)之際
,好多資金都追入南方能源(01573),但博客建議缸千萬唔做沾手啊!
  其實南方能源好耐之前已經進入咗「仙佬」行列,不過近期因為納入港股通名單,所以先有
得蜈蚣彈。不過,睇番佢啲被動買賣,淨買入同淨賣出多數都係嚟自神州,當中間唔中出現嘅係
中國創盈市場服務,所以食粥食飯真係全賴北水,但唔好忘記阿爺近十一國慶先出手咋喎!北水
幾時斷真係無人會知。
  如果缸友係想掃一掃能源佬,就更加唔應該搵南方能源。事關睇完中期業績表,實現收益得
2﹒82億人仔,比上年少近一成之餘,純利得逾9520萬人仔,又比上年少近一成四,更重
要係無息派,由2016年到今年中期都無派過,所以真係無掃貨嘅理由。
  不過,最致命嘅係主席已經金蟬?殼,就上個月初公司主席徐波用老婆間
Lavender Row掟咗逾2億股,佔公司近32巴仙SHARES㗎。賣完之後,徐波
持股量已經降至僅近1393萬股,僅佔公司約2巴仙SHARES,已經唔再係公司主要股東
。連主席都跳船,博客真係唔敢掃貨。
  不過,博客相信依然會有一班炒家追住掃,所以就同缸友講下技術走勢。今日已經係四連跌
兼四連陰,接近回吐晒上星期五(13日)嗰四成升幅,仲有形成一條下降軌嘅跡象,而成交都
睇得出炒家想散,每日成交都縮減。不過,如果用MACD睇,快線同慢線都仲向上緊,出現背
馳,南方能源短線都仲有可能會有反彈,但風險真係太大,缸友都係量力而為啦!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

etnet財經‧生活App   財智‧健康‧品味生活     【立即下載】  iOS版 / Android版
備註: 即時報價更新時間為18/10/2019 17:59
  港股即時基本市場行情由香港交易所提供; 香港交易所指定免費發放即時基本市場行情的網站
產品簡介

【etnet Bonus賞你】好好社企 中秋精選月餅禮盒

【etnet Bonus賞你】領展TKO Gateway便攜式香薰機

【etnet Bonus賞你】荃灣千色匯及元朗千色匯 x 韓國紙雕插畫藝術家Soo Min Kim 消暑手搖沙冰杯+簡約家用收納箱