按盤價 
《魚缸博客》半年就過去，魚缸呢半年起起跌跌都多，不過近呢兩個月見到魚缸都開始硬淨
返，美股大冧魚缸都唔係好跟，所以睇牌面魚缸下半年都有睇頭！
睇好魚缸會升，又點少得重磅藍戰士？ＡＴＭ股之中，近期阿里（０９９８８）同美團
（０３６９０）走勢平平，睇圖嚟講就未算好突破到個區間上落，可能孖屐都仲係觀望緊阿爺仲
會唔會針對科網股仲有監管啦，另外隻騰訊（００７００）就更加當災，被大股東減持套現，嚟
緊要每次要升都可能會撳住撳住。
所以博客就建議不如留意返啲舊經濟股，皆因近排走勢真係非常之強！好似港交所
（００３８８）咁，今個禮拜一就忽然裂口高開大升咗差唔多７％，呢幾日都整固緊，有可能再
爆上去但係都要小心要回補裂口。所以不如就吼吓隻友邦（０１２９９），走勢方面都開始緊一
浪高於一浪，到噚日仲破埋牛熊線，嚟緊就應該會挑戰９０銀，現價可以小注高追，不過等回返
落實８２銀支持水平先入手就更好！
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
