一日三餐，追求食物的口味之餘，你會否關心吃落肚的食物質素？只要揀選食物時候多花一點心思，健康都是可以吃出來的！唔知從何入手？編輯請來註冊營養師曾欣欣以及Eat Clean同學會成員，一連四期教大家輕鬆整健康小食，仲有超實用的揀選優質食材小tips！

 

 

　　Charlie工作中港兩地跑，對內地的食材略有擔心，故周末會預先準備下周的午餐便當。以前多病痛，Eat Clean之後身體健康改善很多, 現在最喜歡的事情就是逛超市，研究食物標籤樂此不疲。今次欣欣介紹用來製作繽紛多士的鷹嘴豆泥紅菜頭蓉，放在雪櫃保存一周無難度，特別Charlie以及需適合自備午餐便當的OL！

 

 

鷹嘴豆泥紅菜頭蓉

食材：

1 個細烤焗紅菜頭 small roasted beet

1 罐15安士 (1 ¾ 杯) 熟鷹嘴豆，汆水

1 份檸檬汁 

2 瓣蒜蓉 

2 大湯匙中東芝麻醬 tahini

¼ 杯特級冷榨橄欖油

少許鹽及黑胡椒 

 

 

做法：

1. 預熱焗爐至攝氏190 ℃，去除紅菜頭所有莖及根部，在水中洗擦乾淨。

2. 紅菜頭灑上少許芥花籽油，用錫紙小心包裹焗1小時。鬆軟的紅菜頭用碗盛著(保留汁液)，放入冰箱冷卻至室溫。 

3. 紅菜頭冷卻及去皮後，切細粒。以每¼個放入食物處理器，攪拌見少許剩餘物為止。 

4 除橄欖油外，將餘下食材攪拌至幼滑。

5. 鷹嘴豆泥拌勻時可加少許橄欖油。試味後按個人口味加調味料，有需要可加鹽、檸檬汁或橄欖油。如果太厚身，可加些水。

6. 冰箱內可儲存最多1星期。

 

 

　　鷹嘴豆富含蛋白質，加入紅菜頭的甜味，可蓋過青澀豆味，顏色也變得更繽紛，搭配牛油果做成健康多士，作早餐或午餐都適合! 

 

Eat Clean小tips: 揀罐頭都要選BPA Free

 

 

　　買塑膠製品時大家多數會留意選擇BPA Free的產品，其實買罐頭也一樣！為保證鐵罐不生鏽以及隔離食物，通常罐頭的內裏會有一層BPA塗層，這種化學物質會影響體內某些激素，可能會增加高血壓及患癌風險，大家在購買罐頭時往往會忽略。建議大家日後揀選罐頭時，都要望下罐身是否帶有BPA Free字眼。