夏日好物｜實測日本降溫縮骨遮，溫度即降14.7℃、出汗量激減23%
夏天出街必備！近日在社交平台 Threads 上，一款來自日本的「降溫縮骨遮」引發網民瘋狂討論。有用家大讚，開遮後體感溫度「即時降溫」，實測更發現，傘下溫度與外界可相差14.7℃！被網民大推：「夏天無咗佢唔得！」。
降溫縮骨遮︱實測開傘即-14.7℃ 出汗量激減23%
近日，有Threads網民發文強烈推介，指自己於日本購入一把「降溫縮骨遮」，驚嘆：「每個香港人都要入手返把，真係差好遠唔係講笑，強烈推介！」
網民公開其使用的縮骨遮型號為「Wpc. IZA Ultra Light」，內層備有黑色隔熱塗層，防曬兼降溫效果顯著。根據官方數據及網民實測，WPC降溫縮骨遮有三大過人之處：
- 【極致溫差 -14.7℃】打開傘的瞬間，傘下溫度明顯比外界清涼，降溫效果顯著：「防UV嗰啲唔講，一遮即刻降幾度！夏天冇咗佢唔得！」
- 【100% 遮光、UV cut、UPF50+】全面阻隔紫外線，防曬一流。
- 【出汗量激減 23%】科學實測證明有效降低體感炎熱度。
降溫縮骨遮︱超輕量僅128g 扁身設計可放褲袋小廢包
除了降溫效能，其輕巧便攜性亦是熱話焦點。「Wpc. IZA Ultra Light」重量只有約 128g，約等同兩包紙巾重量；收納後寬度僅 5cm，扁身設計可輕鬆放入褲袋或細手袋。尤其不少女士用家們大讚，扁身款放細手袋零負擔，難怪被大推為「夏天出街必備」。【即睇更多網民實測分享】
日本「Wpc. IZA Ultra Light」縮骨遮。（官網圖片）
有4款顔色選擇。（官網圖片）
收納後蜜度僅5cm。（官網圖片）
超輕量可放入褲袋、小廢包。（官網圖片）
內層備有黑色隔熱塗層，防曬兼降溫效果顯著。（官網圖片）
降溫效果顯著。（官網圖片）
網民使用後強烈推介：每個香港人都要入手返把！（Threads圖片）
網民大推：「夏天出街必備」。（Threads圖片）
還有聯乘系列，超靚！（Threads圖片）
降溫縮骨遮︱用家誠實評價2缺點：打風千祈唔好用
雖然「Wpc. IZA Ultra Light」降溫效果顯著又易收納，但亦有用家誠實列出兩大缺點：
- 結構較晃不抗風：超輕量設計令傘骨位置略顯鬆動。網民溫馨提示，這類輕巧防曬傘「打風千祈唔好用，feel到好脆弱」，強風下容易損壞。
- 無掛繩：該款式掛鉤設於傘套，傘本身無法掛在手腕，選購時需留意。
降溫縮骨遮︱選購「降溫傘」認準1特徵
想夏天搵到一把真正的「降溫傘」？有經驗的網民提醒，揀遮時務必認準內層是黑色或深色的隔熱塗層款式，反射及隔熱效果才最好。「Wpc. IZA Ultra Light」正是當中的信心之選。有網民指，每次用完都會摸一摸傘面，感受其隔熱能力，內心充滿感激。
網民有乜講：
WPC 防曬降溫無敵，輕身款式多耐用唔貴，呢幾年夏天出街靠晒佢，記住買入面黑色嘅款。
癲好用！！！防曬第一名。有留言話淘寶有同款子防曬傘唔一樣，有次人哋遮我就係淘寶（都唔平），完全兩回事。即刻介紹佢買WPC（打風唔好用pls，三號風球佢都吹爛嗰種）。
真心好用，細細把又唔阻位。早幾日漏咗佢喺公司無拎，焗住用其他遮，結果又曬又熱，擔咗好似無擔咁。
WPC真係好好用，佢果層遮光堅有用，烈日當空一開把遮就會feel到無咁熱。
早幾日睇到post話wpc降溫遮有用，加埋有朋友實測過的確無咁熱，尋日立即衝去sogo買，仲要咁啱thankful week有折!
試用平時3分鐘行去巴士站已經出晒汗但係今日竟然無出汗！！！收遮個時摸一摸把遮，發現係有啲辣手，睇嚟真係好吸得熱。
加埋風扇仔一齊用，涼好多！
用緊wpc嘅UV0系列，更加降溫同埋唔會反遮。之前用過wpc細把極輕，香港啲怪風好易吹爛，兩百幾蚊吹爛好心痛。
上年8月去日本熱到我傻，上網睇人推呢把即刻買，第二日去鐮倉用，有擔同無擔真係好大分別，有擔嗰陣我覺得好似喺室內咁。