過往專欄

　　行政長官參選人曾俊華再獲會計界「ABC.P.A.」3張提名票，令其再向閘口邁進一步，據估計曾俊華只需多14票提名即可「入閘」。而據報穩袋逾300提名的行政長官參選人林鄭月娥，則計劃在下星期初向選舉事務處交表。 

會計界選委何駿雄（圖左）交提名表格予葉劉淑儀。（葉劉淑儀fb圖片）

曾俊華再進帳3票

　　會計界選委團隊「ABC.P.A.」宣布，決定將3張提名票予曾俊華，餘下1票作策略性提名。選委之一龔耀輝認為，曾俊華管治作風與梁振英不同，可以團結香港，又稱如無意外投票時亦會支持曾。取得會計界提名後，曾俊華估計已取得約125張提名票，料只欠10多票提名即可「入閘」參選。對此，曾俊華只稱會繼續努力爭取提名。

林鄭計劃下周初交表

　　至於已取得超過300選委提名的特首參選人林鄭月娥，原定明日正式報名，但其競選辦最新回覆查詢指，計劃在下星期初才向選舉事務處提交提名表參選。她下午將與港區省級政協交流，爭取支持。　　

葉劉獲泛民第一票

　　另一參選人葉劉淑儀則在Facebook上載與「民主300+」會計界選委何駿雄的合照，指今早競選辦接到何駿雄的來電，表示願意提名她，她「立即趕回競選辦親自迎接，和他談了一會」。葉劉指，與何駿雄本不相識，但向業界解釋理念和政綱，令他留下深刻印象，「認為我是具競爭力的參選人，值得入閘」。葉劉形容何駿雄「雪中送炭」帶來極大鼓舞，十分感動。葉劉又呼籲其他選委提名她，以促成真正有競爭的選舉。

　　　何駿雄原屬「誠、會計師團隊」，該團隊中午公布何駿雄及楊志良已離隊，而負責籌組的譚香文早前已提名曾俊華。譚香文指，「誠、會計師團隊」參選政綱是踢走梁振英或「CY 2.0」，她認為提名葉劉也能鎅走林鄭月娥的選票，符合當日的政網。

撰文：特寫組

　　行政長官李家超上星期去立法會出席互動交流會，其中一個環節係專講《基本法》23條立法，議員發言發問極為踴躍，大家發言嘅方向，同當年由葉劉淑儀做局長推銷23條立法時真係天淵之別，議員全程零質疑，掉番轉頭係全面配合立法。

　　23條立法如箭在弦，咁站在政府嘅角度，擔心嘅當然唔再係條例會唔會過，而係條例掟咗出嚟之後，外界特別係外資、外國領事、所有嘅外部勢力，對條例嘅睇法係點，任何可能會觸動到反對聲音嘅「星星之火」，都要盡可能喺擴散之前整熄佢。

　　所以李家超先會特別提到，會設立「應變反駁隊」，專門去監察所有網上輿情，做好應變工作。至於「應變反駁隊」由邊個主導，據聞就會由玩社交媒體特別出色，兼且係主責立法工作嘅保安局局長鄧炳強親自操刀，其他相關嘅司、局、處，例如律政司、新聞處等等，都會喺「應變反駁隊」中有一席位，負責協調工作。

《基本法》23條是有關國家安全的條款，禁止七類危害國安的行為。（資料圖片）

　　有政圈中人就指出，今次23條立法，感覺上重視程度仲緊要過《香港國安法》，而用「反駁隊」呢個名，好明顯睇得出，政府係預咗會有好多針對23條立法嘅不實言論喺網上傳出，甚至係用懶人包等方式，喺社交媒體、通訊軟件等快速傳播。政圈中人仲話，呢啲不實言論估計都係由海外傳番過嚟香港，要執法係非常困難，所以最快嘅做法唔係澄清，而係反駁。所以特首用「反駁隊」呢個名，就係想採取一個主動權，一有不實，就撲出嚟反駁，而「反駁隊」成員更可能要分更長時期運作，避免一啲不實言論喺凌晨時分傳出，到早上先反駁就已經處於下風。

　　另外聽聞，立法會每一個板塊都將會全方位工作去配合23條立法，地區、功能組別同選委界別都各自會被安排任務，要做到滴水不漏。至於重中之重，當然就係成立法案委員會去審議23條，聽聞唔少議員都相當踴躍，已經打定開口牌，估計要抽籤先入到去委員會。而頭牌做主席嘅更會係「名流青史」，所以幾個大牌議員都表示有興趣，自由黨張宇人已經話自己乜嘢委員會主席都無，就係為咗審23條。過去佢都立咗不少汗馬功勞，包括中大改革等等，但係佢身兼行會成員嘅身份就似乎有欠公正性，再加上佢唔係法律界，要審呢條法律似乎未必安到政府嘅心。如果要喺有律師背景嘅議員之中搵個「定海神針」，似乎廖長江或者梁美芬就最大可能，不過都要睇睇背後各方勢力嘅角力，先能夠定到主席人選。