過往專欄

　　朱凱廸以票王（佢唔鍾意人哋咁叫佢）姿態，當選立法會議員後，掀起一場新界風暴，新界各種問題，一次過擺晒上枱面討論，好多「新界佬」嘅名字，每日都出現喺新聞報道裏面，梁福元、侯志強、劉業強、曾樹和等等，我諗除咗發叔病重嗰排之外，都好少機會聽到佢哋日日都一齊上電視講嘢。 

　　嗱我覺得，香港人真係要珍惜呢班「新界佬」，特別係老啲嗰一輩，因為佢哋可能係現今政界最純真、最直接嘅一群人（喺枱面上），一齊諗吓佢哋有幾多可愛之處........ 

　　首先，佢哋坦白直率，有嗰句講嗰句，梁福元大方承認「官商鄉唔係勾結，係合作，講埋黑都唔緊要，係合作」，第二日佢上另一個節目，就話自己當時咁講係因為唔知主持人所講嘅「黑」係講緊咩，可能佢係諗緊官商鄉同鄉郊隻唐狗「小黑」合作，呢種純潔，比起好多虛偽嘅港島人嚟得更加可親，例如嗰啲去完中聯辦唔認嘅人。 

　　第二，佢哋講得出做得到，做唔到都起碼係威係勢先。1999年，上水石湖新村收地事件，村民示範咩叫拼死捍衛家園，「真．勇武」，佢哋對住一整排full gear防暴警察，佢哋唔懼怕，攞齊架生，有人攞出開山刀劈落去防暴盾上面（不過劈唔斷），有人攞出石油氣罐想燃點，同警察同歸於盡（不過俾防暴警察踢走咗個罐）。最後佢哋輸咗呢場戰役，地，最終被收回，不過雖敗猶榮，為香港人勇武抗爭做咗一個最佳示範。菜園村抗爭對佢哋嚟講真係相形見絀。

　　多年嚟，佢哋都擺出一副硬朗形象，除咗拆遷問題外，五年前政府想整頓新界僭建問題，以至舊年套丁案宣判後，佢哋強硬回應，同政府講明套丁係經官府承認嘅合法行為。有新界佬更加揚言要「流血抗爭」，曾經有人話要圍政總放炸彈。如果明知自己做緊嘢係犯法，就「公民抗命」—靜靜雞繼續做，如果有人重想搞我？落閘，放狗！鄉黑合作時間到，小黑，go，bark！

　　你就睇到，當有人嘗試觸碰佢哋權益嘅時候，就會義無反顧咁樣去回應。朱凱廸試圖倡議民主改革鄉議局，改變新界土地運用嘅潛規則，可能會傷害新界佬嘅利益，佢梗係唔會就咁算數啦，學侯志強話齋，教仔咋嘛，佢冇斬你你咪應該劏雞還神，為咗每一日都重生存喺世上而要向佢哋感恩戴德，又報警又報傳媒，對於新界人嚟講實在太唔俾面啦！ 

　　新界佬最值得一尊重嘅地方，就係佢哋團結一致，一有咩事，一呼百應，團結過而家一盤散沙嘅泛民主派，甚至團結過各懷鬼胎嘅建制派。有咩恩怨？閂埋門咪又係兄弟囉，搵一個人開個記招，然後另一個call齊手下踩場，一齊拆掂佢！

　　對於新界佬嚟講，佢哋好簡單，人人生而平等，一出世就攞住丁權嘅佢哋更加平等，如果佢伯爺本身就係地主，佢個世界直情係最平等添，最緊要有錢賺，丁權、丁地、丁屋，對佢哋嚟講就係唾手可得嘅商品，當朱凱廸帶住大衛嘅身影，去抗擊呢隻大哥利亞嘅時候，你選擇沉默，可能就係延續呢種不公嘅幫兇。 

　　而呢一個專欄唔少親愛嘅讀者，你哋最親愛嘅梁特首，喺2012年參與新界江湖人士嘅小桃園飯局，變相承認江湖人士喺佢嘅管治之下有地位，今日面對朱凱廸「官商鄉黑」勾結嘅指控，以至黑勢力似有不能受控嘅趨勢，點樣做show反黑都冇用。 

　　從丁權衍生出嚟嘅新界特權階級，同外判演化出嚟嘅怪獸領展、以至公用事業變身地產商嘅港鐵，三個霸權拱照香港，香港人，你們真幸福。 

　　第七屆立法會已經運作了兩年半，平情而論，今屆議員引入了大量專業、科技及學術界菁英，論政質素大幅提升，審議法案時更加全程投入，確實為政府提供大量寶貴意見。然而，民間對今屆議會的工作似乎認識不多，對議員的印象亦模糊不清，明顯地對議會爭取社會信任及支持有不利的地方，近期更傳出下屆議會可能需要「大換血」。筆者無意為任何人辯護，只是想指出在新時代下，舊的運作模式已經不管用，立法會不應該繼續擁抱已經過時、港英留下來的議政制度，行政立法既然已經成為執政聯盟，政府應該大膽改革，給議會更大的權責，讓議會有更大的發展舞台，以爭取社會的信任。
　
　　市民對議會有距離感，筆者總結有多項原因。第一，新一屆政府用愛國者治港模式，議會不再以對抗的方式論政，改為議員「坐而論道」，簡單講，就是議會不再重演吵吵罵罵的鬧劇，對於喜歡「剝花生睇Show」的普羅大眾，自然再無吸引力。第二，新一屆議會由70個議席增加至90席，但議會時間並無大幅增加，每個議員發言時間、質詢及提議案的機會明顯減少，議員表現空間大大壓縮，議員通常只有5分鐘發表一篇演說，而且每次辯論有多達數十人輪流發言，有時的確給人「滾水淥腳」的感覺，個別議員發言難以吸引市民、媒體注意。第三，由於大幅增加專業背景的議員，議政的題材除了必不可少的民生問題，其餘增加不少經濟、專業及科技題材，這些題材無疑對香港很重要，但一般市民難免聽不明白，傳媒亦少有報道。第四，議會未能培養出新一代的政治明星，一個缺少明星的舞台，自然難以吸引觀眾垂青。據筆者觀察，新議員中不乏「有料到」的議員，當中有人雄辯滔滔、有人專精法案，更有網絡KOL，可惜少有能突圍而出，獲得全港性知名度，究其原因，與上述提及的議會環境有關。另外，新議員大多沒有加入政黨（鬆散的聯盟不算數），無政黨的培訓及背後支持，要突圍是難上加難。
 

立法會已出現質及量的變化，舊有制度應就新形勢作出改變。(Shutterstock)

　　筆者相信，議會既然已出現質及量的變化，舊有制度亦應就新形勢而作出改變，以增加議會的功能，為社會作出更多貢獻。首先，政府可考慮下放權力，讓議員參與更多法例的起草工作。目前法例起草完全由官員主導，通常先由官員提出有立法需要，然後公開收集議員及持份者意見，當收集好基本資料後，官員就會閉門以機密方式進行研究，並定出法例框架，以至所有細則，最後公開諮詢社會意見，但此時法例及政策基本已經拍板，細則可以傾，但大原則已經不能改變。

　　所以，政府制訂法例的方式，過去曾被指為「閉門造車」，法例有時亦難免出現離地的情況。今日行政立法已經是執政聯盟，政府應該依重議會了解民情的專長，在政府閉門研究階段引入新機制，成立專責小組，安排立法會相關事務委員會的成員參與，參加的議員只要簽訂保密協議，就可以全程或在有需要時參與法例的研究及討論，議員一般了解民情、熟悉行業情況，官員則掌握資源運用的原則、精通法規的要求，如果兩者的優點能結合，對政府施政有極大幫助。
　
　　另外，同時政府亦可以要求立法會事務委員會，為政策進行定量、定性研究，甚至安排議員落區了解民意風向，確保政策不會離地，這亦是議員應該做的事。筆者期望，有關建議可以提高議會「含金量」，同時又可以擴闊議員的工作層面，增加議員的貢獻，社會將更重視議員的工作及意見，同時又可以吸引更多菁英願意擔任議員工作。

在杜葉錫恩的年代，立法局申訴部是為小市民出頭的象徵。（網上圖片）

　
　　其次，應考慮擴大立法會申訴部的職權。社會很多人可能都不知道，立法會有一個申訴部，過去在杜葉錫恩的年代，曾經是為小市民出頭、備受尊崇的象徵，但今日已經式微，市民寧願向電視台投訴節目求助。事實上，電視台節目成功之處，就是得到官方、公私營機構的重視，投訴往往得到認真處理。所以，要建立議會的威信，政府可以制定高層次架構，要求各部門快速回應議會的個案，申訴部由於不屬於政府部門，只要議員同意，毋須次次跟足程序，可以化繁為簡便利行事，爭取更快速、更有效地為市民排難解紛。申訴部得到政府大力支持，相信效果未必會比電視節目差。有前輩嘗言道：「幫到市民嘅，就係好議員」，筆者以為甚是，所以重振申訴部的威望，是值得立法會深思！