世事政情

　　【晴報專訊】蘇麗珊（Cecilia）與男友Kenny合資開設的按摩cafe昨日開張，大股東Cecilia透露投資了六位數字，希望一年內回本；而早前與華納唱片簽約的她，透露正積極練結他和唱歌，並笑言︰「我唔想出到嚟走晒音。」

Cecilia和男友Kenny昨日忙於招呼來賓。

　　蘇麗珊昨日偕男友及多名股東舉行切燒豬儀式，圈中好友如林德信（Alex）及顧定軒等現身支持。Cecilia直言與男友合作做生意不但沒有拗撬，反而感情大增，她甜笑謂︰「因為了解大家多咗，拍拖睇唔到男友工作嘅一面，覺得佢認真做嘢好charm，會欣賞佢多咗。」

　　成功創業後，兩人下一步會否結婚？Cecilia緊張道︰「我啱啱簽咗唱片公司，想專注喺事業先，希望一、兩個月內出新歌，首歌好輕快同活潑，都幾似我。依家努力練緊結他同唱歌，唔想出到嚟走晒音。」提到楊千嬅日前加盟其唱片公司，Cecilia坦言跟千嬅很有緣︰「我第一齣電影《哪一天我們會飛》就係同佢合作，不過依家想作個人發展先，想大家認識我多啲，唔太心急再同前輩合作。」

林德信恨參加《聲生不息》

喜歡按摩的Alex指定要找最大力的按摩師。

　　另外，同場的Alex表示十分喜愛按摩，但若要投資做生意，則最希望開設瑜伽工作室，他表示︰「我媽咪喺三藩市都有間瑜伽studio，已經開咗20幾年，我細個就喺嗰度學瑜伽，如果佢返嚟香港，我會想同佢一齊開。」提到爸爸林子祥近日參加《聲生不息》回響甚大，Alex坦言每個星期都有追看，聽到爸爸與曾比特合唱《單車》十分感動，笑指自己像多了一個「細佬」。問Alex是否希望參加《聲》節目？他說︰「梗係想啦，有呢個機會我都想去玩下。（叫爸爸推薦你？）都好嘅，叫我上去做嘉賓。」

　　【晴報專訊】MC張天賦過往因助手Yee Yee在社交平台焫火頭而惹是非；近日Yee Yee又在Telegram群組留下惹火言論，矛頭直指前輩鄭裕玲（Do姐），以及華納同門Moon Tang和蘇麗珊。MC昨日澄清只是助手的私人言論，並不代表他的立場。

MC坦言希望與Do姐合作。

　　MC張天賦的助手Yee Yee曾在網上嘲諷MC好友洪嘉豪，日前她再焫火頭，在TG粉絲群組指MC無興趣拍攝鄭裕玲（Do姐）的旅遊節目，因「討好前輩嘅嘢唔係好啱佢」。此外，Yee Yee狠批MC的同門師妹、湯令山女友Moon Tang唱歌及廣東話咬字「好難頂」，揚言「好想剪佢脷筋」，又暗踩另一同門蘇麗珊。

MC助手Yee Yee經常惹是非。（資料圖片）

　　MC昨日出席行李箱品牌活動，問到其助手言論可有影響心情？他說︰「最近報道唔太影響到我，其實佢（Yee Yee）只係喺社交網私人群組討論，唔係喺官方歌迷會或IG講，坦白講係佢嘅言論自由。當然佢提及華納嘅人，我會覺得有啲唔舒服，但畢竟佢唔係華納嘅人（員工），都係嗰句，佢唔代表我講嘢，亦唔代表我任何立場。」

無影響同門交情

　　若日後遇上Do姐，MC表示不會尷尬，「Do姐係前輩，佢會明白我。」他透露曾獲邀拍攝Do姐的節目，「但因檔期問題合作唔到，如果有機會當然想去。」會否叫助手日後慎言？他說︰「絕對會，但都會尊重對方。」他指事件不會影響自己跟Moon Tang及蘇麗珊的交情。提到助手大爆陳凱詠將簽華納，MC自言不清楚真假。