世事政情

　　【晴報專訊】李幸倪（Gin Lee）今年初強勢加盟英皇娛樂，頭炮作《Dum Dum》歌詞「肯定就是你」搶耳又洗腦，更成為五台冠軍歌，成績斐然；第二首新歌《單戀這件小事》亦快將推出，歌唱事業愈唱愈順。多年來低調處理感情事的Gin Lee，跟圈外男友感情穩定，然而剛簽了新公司，Gin Lee誓言要瞓身打拼事業，所以短期內都不打算結婚，向歌迷大派定心丸。

　　李幸倪加盟英皇後的第二首單曲《單戀這件小事》快將推出，她預告新歌曲風和MV造型跟《Dum Dum》截然不同，必定令歌迷眼前一亮。「《Dum Dum》係一首跳唱快歌，用呢首歌嚟吸引大家之後，就去到深情啲嘅R&B，亦都因為好多歌迷想我唱多啲唔同style，我特登為佢哋度身訂造呢首歌。我嘅歌庫裏面好多慘情歌，比較適合失戀時聽，今次呢首新歌聽完會有好冧、好有愛嘅感覺，女仔如果有心儀對象，仲可以攞呢首歌去表白。」Gin Lee自言個性較為矜持，即使遇到喜歡的男生，也不會主動示愛，「但我會喺佢生日或聖誕呢啲日子寫心意咭，含蓄啲暗示畀佢知，咁就無咁尷尬。」

新歌MV玩芭比造型

　　《單戀這件小事》的MV亦拍得相當唯美，「上次《Dum Dum》係型格，今次係甜美，成個MV好粉紅，講一個女仔喺一間色彩繽紛嘅屋裏面，好囉囉攣咁掛住個男仔。」Gin Lee希望，每次出歌都能帶給樂迷驚喜。「大家估唔到我對上一首歌係跳唱，今次就好少女心，玩芭比造型，想有啲突破。」她坦言有留意網上評論，知道有樂迷認為她過去的曲風太沉悶，所以她希望帶給大家新衝擊。「的確，我過去好多歌都比較抒情，歌路單一啲，《Dum Dum》就係要打破呢個舊思想，再陸續畀大家睇到唔同風格，其實我都有活潑開朗嘅時候。」

Gin Lee在《Dum Dum》MV又唱又跳，加上歌曲夠洗腦，令人眼前一亮。（網上截圖）

《Dum Dum》獲五台冠軍歌，Gin Lee開心得破戒食牛角包慶祝。（IG圖片）

性感演出不用問准男友

　　Gin Lee揚言接受性感演出，「要睇下邊種性感，tube dress同低胸都可以，首先要有美感，點樣拍都好關鍵，如果着住三點式、企棟棟咁拍就一定唔得，有劇情配合我可以考慮，例如之前拍MV浸浴缸露背，我覺得OK。」若要性感上陣，是否要問准男友？她說：「工作時我有分寸，唔會亂嚟，亦唔需要刻意交代，最緊要係健康嘅美感就得。」

剛加盟新公司的Gin Lee安排父母來港居住，讓她可以專心拼搏。

　　早前，Gin Lee透露因要照顧年邁父母，故安排兩老來港生活，令人聯想到她為結婚做準備，不過她極力否認。「唔係，純粹係因為要照顧家人。我簽咗新公司，都調整自己心態，準備新嘅旅程，如果可以多啲見到佢哋，我可以安心啲去衝事業。」她指公司沒有不准許結婚，但自己短期內沒有結婚計劃，「呢幾年一定係衝事業先，我哋亦無傾過婚期，做呢行預測唔到，既然有新公司支持，就要把握呢個機會。有時唔係你想做就有得做，未必有其他嘢配合；但依家我想做，公司又有共識，真係要瞓身去拼事業先。」

Gin Lee轉投英皇後，偶然性感現身，大曬fit爆身材。（資料圖片）

　　一連兩場YAN TING周殷廷首個個人演唱會《WHO IS YAN TING LIVE 2024》於九展舉行。明年是YAN TING出道十年紀念，對於自己首個個人音樂會尤其重視。首場演唱會，在火熱、搞笑、感性及感動的氣氛下圓滿完成。奮鬥九年的周殷廷忍不住哽咽落淚，連擔任嘉賓的Gin Lee也大受感動，淚流滿面。

　　身穿蛇皮西裝的周殷廷狂野登場，並大騷誘人胸肌，他先以一曲《Killa》炒熱現場氣氛，歌迷尖叫聲不斷。緊接又唱又跳，演繹《小姐你好》及《Gonna be alright》。 本身亦是導演的YT，特別拍攝了自己訪問自己的片段，以導演YT的角度大談對今次開演唱會的感受。隨即唱他曾執導的MV歌曲，包括吳雨霏的《今夜星光燦爛》、AGA的《Superman》、Mirror的《Asap》、Gin Lee的《Dum Dum》，再配以勁舞，台下觀眾又報以熱烈歡呼聲。

　　演唱一首慢歌《自我催眠》後，YAN TING表示今次的演唱會是由YT導演加上藝人周殷廷一齊構思，當中會有很多音樂及環節，希望大家enjoy，亦可以找到誰是YAN TING。最近周殷廷宣佈與網絡天團JFFT組成新晉男團JFYT，並推出新歌《Hands Up》。YAN TING首次開騷，當然少不了以男團姿態演出，JFYT身穿白色西裝，甫出場，全場觀眾自動波「Hands Up」，氣氛高漲。JFYT更扮男團大講韓文跟觀眾打招呼。周殷廷指香港現在有很多男團，但JFYT是香港第一天團，又笑指香港有些團很垃圾，笑說：「話說薯茄就係一隊垃圾！唔係我哋勁，係你哋廢！」引來全場大笑。他又笑問觀眾：「我哋有冇Super Junior的影子，有啲old school！我都知香港而家有個團好勁，我哋要挑戰，直接抽嬴佢哋！」說罷，他笑稱放完炸彈要走先，其隊友們就笑指以上言論都是周殷廷講，又笑他點像思覺失調。

　　周殷廷演唱《晨星》，這首歌是寫給15歲的自己。他說：「我不太敢望回15歲的自己，當時我說想做歌手。我由從冇自己的演唱會，到今日有三千觀眾，呢首歌叫自己唔好放棄，我堅持二十年到今日。我想同大家講，老豆、媽咪、阿哥，希望有令你哋驕傲。」說時YAN TING都忍不住哽咽。他續說：「追夢過程係好孤獨，但有好多戰友，有啲人一直陪伴我去拼搏夢想。」接着好友Gin Lee登場，二人合唱《日出時讓街燈安睡》，Gin Lee都忍不住唱到淚流滿面。她坦言很少見到YAN TING喊，相反對方經常見到她喊。她說：「我那時在人生低谷，對生活生命失去動力，好絕望，但又要做歌出碟，是他不停鼓勵我。他幫我搞個project，用盡所有精神，出錢出力拍微電影、MV。除咗多謝佢，亦想講對唔住，嗰段時間我狀態非常差，自己顧唔掂自己，但原來佢都經歷低谷，我想到你嗰時幾痛，但你在垂死最後一口氣都扶我一把，我都應該關心你多啲。我而家狀態好好，我可以扶你。」YAN TING反過來亦叫觀眾記得撐Gin Lee，如果上紅館一定要支持。

　　整晚，YAN TING不吝嗇展示其健碩胸肌，在Encore環節時，他更真空只穿白色閃爍外套登場，大騷腹肌，期間，觀眾大叫除衫。尾升，YAN TING顯得依依不捨，他與三千觀眾拍下大合照留念，並請大家亮起手機燈，唱出最後一首歌《My Everything》，首場演唱會亦在一片燈海及歡呼聲中完結。