世事政情

　　【晴報專訊】張致恒（Steven）與太太區燕雯（雯雯）結婚近四年，育有三名兒子，雯雯不時在網上呻老公不事生產，她前晚更忍無可忍，在網上狂數Steven聲稱「畀錢買嘢畀個仔食」，但從未兌現承諾，她嬲爆說︰「一個人40歲點解可以咁不負責任？」

雯雯落力接廣告及做生意，獨力養大三個小朋友。（資料圖片）

　　張致恒「死性不改」的性格，令老婆區燕雯不時嗌離婚。前晚，雯雯在社交網大罵Steven無錢扮有錢︰「不停同我講，轉頭畀錢買嘢畀個仔食，個仔起身都已經成三個鐘，都仲要話過緊數，無咪出聲又唔係第一次，完全唔會顧及小朋友會肚餓。」她指Steven好食懶做︰「日日可以若無其事咁歎坐喺度，有飯就食有屎就屙有覺就瞓，如果你係有貢獻嘅都無所謂，（我）當養一個工人，但可惜叫親你做嘅嘢，都係同我講，你係人，你要休息，你要瞓覺。」

Steven被轟沒有肩負養育兒子的責任。（資料圖片）

Steven怨老婆公開家事

　　及後，雯雯指一家人因欠租被趕走時，Steven竟然逃避，「要我一個出嚟攬晒，要我去搵錢搵地方住，你一毫子都無拎過出嚟！」當她指Steven無資格留在家中時，對方竟反駁︰「你夠膽死答我，咁當初結婚嘅時候點解唔大家AA！」原來，Steven責罵雯雯經常公開家事，才令他愈來愈差。雯雯說︰「咁不如你自己諗下，咁多年你有無守本份？一個（人）突然成日咁樣癲，會唔會又係你迫成？當初我有幾保護你，乜都自己收埋嘅時候，你唔講？」網民一面倒對Steven的賤男行為睇唔過眼，直斥「唔係男人」。

　　張致恒（Steven）同太太雯雯誕下4子，經濟拮据，不時上載QR code公開借錢度日。Steven近日終於有工開，以巨星排場到廣州登台大唱《死性不改》。有網民覺得他生性搵錢養家，連雯雯都一反常態力撐老公；老公有收入，雯雯亦立即為小朋友尋找暑期班，未知是否已開始有錢還債，更有能力為小朋友打算將來。

　　雯雯早前才鬧爆Steven不思長進零貢獻，每日只識「食瞓屙」：「我使唔使賣身養埋你？」、「就嚟冇屋住，夠擔死同我講，我瞓多陣啫，每日冇貢獻，有飯咪食，有屎咪痾，每次個老婆都解決到，就乜都唔理。」Steven可能被老婆鬧醒，早前出post搵工的他終於有工開，到廣州一間酒吧登台。

　　只見Steven獲酒吧以巨星級排場歡迎，又放紙炮又有粉絲舉牌，脹爆不少的他一身牛仔look，開開心心在大布景版簽名，甚有昔日做明星時的風範。Steven一登場即介紹自己：「我是來自中國香港的Steven張致恒，大家好！」他獻唱BOYZ首本名曲《死性不改》及《LALA世界》，全場觀眾都舉起Steven應援牌；他亦非常開心又勁投入，一邊唱一邊又彈又跳，雖然歌藝麻麻，起碼成功炒熱全場氣氛。有男觀眾突然上台獻花，又哄埋Steven耳邊咬耳仔，異常地親密；雖然Steven有少少愕然，但都笑笑口接受，又擁抱答謝男觀眾，表現專業。

　　有網民見到Steven努力搵錢，留言亦難得手下留情：「人哋出來做嘢，唔好話佢了。小朋友好無辜，佢再唔做嘢食雪了」、「都留點口德吧，他也要賺錢養小朋友」、「人家都出來賺錢還要被罵，網友要求真高」、「肯做就好了，沒有甚麼可笑的」等等。雯雯眼見老公有錢帶回家，相信好安慰，平時日日鬧老公廢的她，見到有傳媒以「超霉藝人」形容Steven，立即「起晒鋼」，出IG Story出言保護老公：「比（畀）條路人行其實會唔會比逼死一個人更加有意義？」、「其實有工作搵下錢生活，又要比（被）你哋寫到咁，其實你哋內心係諗咩，係咪真係全家消失，你哋呢班人就最開心。」、「每日有工作，開始解決緊問題，唔通又要日日好高調放出嚟話你知」。

　　雯雯又讚揚Steven：「衰係佢衰，但佢仲肯堅持搵錢比（畀）屋企，點解唔比（畀）條路佢行，繼續笑繼續踏，你哋真係咁開心？之後我唔知，雖然係遲咗啲，但至少個仔生日，佢靠自己工作搵到錢，同到佢簡單慶祝，我已經覺得係好開始。」雯雯解釋：「我係成日發顛（癲），成日鬧成日踏（踩），當時佢的確係廢，但佢依家每日肯工作，仲肯生存，想重新開始，咁點解唔可以比（畀）佢行？人可以好脆弱，唔通真係要逼死？」

　　有網民私訊雯雯斥責她說話一時一樣，雯雯寸爆回應：「地球每日都轉緊，世界每日都變緊，人每日亦向前行緊。」早前，有癌症病人控訴雯雯借錢唔還，當時雯雯明言「未有鬆動錢」；現在老公有畀家用，只見她出po問「有冇小朋友暑期班推介」，可能已開始還清債務，更能為小朋友打算將來。