世事政情

　　【晴報專訊】張致恒（Steven）與太太區燕雯（雯雯）育有三子，兩公婆關係一直撲朔迷離，雯雯經常力數老公不務正業，又不時嗌離婚，因而被封為「離婚界KOL」。雯雯昨日撰長文，形容每次懷孕都是「上天畀你嘅禮物」，又寫道︰「再一次負起呢個責任，迎接呢份禮物同安排。」疑似為Steven再懷第四胎，令網民非常驚訝。

Steven與雯雯本身育有三個兒子，夫妻經常為家事吵架。（資料圖片）

　　上月底，區燕雯在社交網大罵張致恒「無錢扮有錢」，又指一家人因欠租而被趕走時，Steven只識逃避，更反罵雯雯公開家事。正當網民以為二人關係惡劣，昨日雯雯再發帖，抒發對夫妻關係及懷孕的感受。她寫道︰「我第一次懷孕之後，確實，我係任性無諗後果，就成就咗每一次懷孕，但係一個新生命係上天畀你嘅禮物同一個安排，所以我無後悔過，反而令到我更加有責任感同信念去照顧好佢哋。」

雯雯自食其力，經營網店賺錢養家。（資料圖片）

　　雯雯坦言，經常在網上鬧老公，全因沒有可傾訴的對象，又大爆Steven向其他女性力數自己不是，「老實講，當你（Steven）對住其他女性去數我，呢種傷害會唔會比起我公開鬧你更加大。明明自己做錯在先，但係最後換來係因為我做得唔夠好。」不過，雯雯指兩公婆終於坐下詳談，「我都唔知大家嘅關係能唔能夠修補，但係呢一刻我相信大家都需要時間去行落去。」她亦擔心自己情緒失控，會影響孩子成長。

開新IG分享正能量

　　文章末段，雯雯暗示第四度懷孕︰「接下來……既然上天再一次畀咁樣嘅安排我，我就應該好好計劃，靠自己去照顧好上天畀嘅每一份禮物，再一次負起呢個責任，迎接呢份禮物同安排。」她自言不想浪費氣力在網上發洩及鬧老公，因此會再開新IG分享正能量，以及與家人生活開心點滴。不少網民對雯雯疑似又有喜大感驚訝，有人欣賞雯雯勇敢，願意承擔責任；亦有人擔心他們無能力照顧小孩，建議向社署或志願團體求助。

雯雯表示已跟Steven詳談夫妻及家庭問題。（資料圖片）

　　張致恒（Steven）同太太雯雯由結婚到生了4個小孩，經濟拮据情況越見嚴重，不時借錢度日，又在網上曬慘搏取香港人同情心，不少善心人都忍不住出手幫忙。雯雯「天天新款」不同形式鬧老公，經常數臭唔開工搵錢，日前更出動「厭世文」，不過20日又來一個大控訴。

　　有「離婚KOL」稱號的雯雯，日前一位名為Cat的網民，表示曾借錢給雯雯，對方一蚊都沒有還過；而雯雯之前搞的寵物零食「生意」，Cat亦有向雯雯入貨，Cat留言：「你想點呀？畀咗幾個月時間你，爭我嗰萬六蚊一蚊（我）都收唔到，包多春魚都收唔到，之前免費送咁多嘢畀你地，你哋咁對我？！」Cat仍然容許雯雯分兩期還清錢債。

　　轉頭，張致恒在周六晚，在限時動態出帖文，只是簡單的寫著「2000」幾個數字，雖然沒有前文後理，沒有用任何文字交代，但相信幾個數字，都足以令大家聯想到他指的所謂何事。

　　男的不顧面子在網上經常找好心人借錢給他，而女的就再以文字，來表達「厭世」。日前晚上，有網民驚訝發現要「離開世界」，雯雯出限時動態寫道，「既然世界不容納，倒不如離開。」有善心網民就擔心會有悲慘的事情發生。不過，這些都是「狼來了」的故事劇情。

　　早前雯雯再度放負，連出兩個限時動態，繼續鬧張致恒，「屋企面臨咁大問題，每日只係識瞓食同痾，我洗（使）唔洗（使）賣身養埋你？到底你係（喺）呢個世界生存為乜？」、「就黎（嚟）冇屋住，夠擔死同我講，我瞓多陣姐（啫），每日冇供（貢）獻，有飯咪食，有屎咪痾，每次個老婆都解決到，就乜都唔理，我唔會出黎（嚟）做野（嘢）養你，如果我係你做人仲有少少尊嚴，就消失!」

　　被雯雯數臭，張致恒都有出街，近日被網民影到他，並非只留家睡覺，原來都出動，他於車廂內，未知是否要緊急「撲水」，忙碌地講電話及回覆訊息。全身深色衫打扮的他，留有鬍鬚，兼且戴著漁夫帽，就有網民留言話覺得他身上有「噏臭味」。