世事政情

　　張致恒（Steven）同老婆雯雯被封為「離婚KOL」並非浪得虛名，結婚四年抱四以來，老婆嗌離婚的次數就數之不盡。雯雯近日又又又再次嗌住要分開，講到似層層咁，仲話下一個Post就係簽紙一刻。而另一邊廂，張致恒就好似冇乜影響，昨晚就開直播。

大家族，大唔食細都要食。

　　之前又嗌冇錢要周圍撲水的張致恒，呢一陣子兩公婆差不多日日有新聞，又表示要離婚。但是天無絕人之路，張致恒又搵到份工。咁啱得咁橋有傳媒發現張致恒在旺角一間情趣用品店打工，又咁巧合不久之後他出帖文，介紹某種男士保健食品，可以精神奕奕抬起頭做真男人。

老婆嗌離婚又走佬…

　　直播期間，當然不少網民問張致恒有關商品的問題，而且留言都不會「錫住」充滿挑釁性，但他都好快回答。有人問他可否在店內即場示範用品，他就話：「你夠唔夠膽即場用，你唔夠膽唔好問呢條問題。」還有人問他有沒有服用男子保健食品，他坦言：「我試過呀！食完個人精神咗，冇咁易攰。」

雯雯結婚當日都黑住面簽紙。

　　新鮮滾熱辣有新聞，老婆嗌住離婚，網民都把握機會，不止一人問張致恒是否會離婚。他沒有露出一點傷心模樣，但就沒有透露太多：「離婚呢啲嘢唔講啦！睇新聞咪知囉！如果真係要嚟嘅咪嚟囉，都係嗰句，我係唔會想離婚嘅。」亦有網民好奇，張致恒會否眷戀以往做明星的精彩生活，他強調自己只是一個藝人：「唔掛住，因為我唔係明星，係一個藝人，藝人係一份工，而家只係轉另一份工。唔唱歌喇！費事又被人話我靠黐。」

　　張致恒為求關注，還自爆就快生日：「過幾日就生日，放假同啲仔慶祝一下，每年生日都買一嚿唔切三文魚。大家可以上嚟（舖頭），唔使送禮物，折現得呀喇。」其實他在直播內都不止一次叫網民去搵自己，還表示大家去到，自己會整冷麵給各位，只要簡單放低薯片飲品便可以，唔知有幾多人真係會去「送暖」呢!

　　張致恒（Steven）同太太雯雯誕下4子，經濟拮据，不時上載QR code公開借錢度日。Steven近日終於有工開，以巨星排場到廣州登台大唱《死性不改》。有網民覺得他生性搵錢養家，連雯雯都一反常態力撐老公；老公有收入，雯雯亦立即為小朋友尋找暑期班，未知是否已開始有錢還債，更有能力為小朋友打算將來。

　　雯雯早前才鬧爆Steven不思長進零貢獻，每日只識「食瞓屙」：「我使唔使賣身養埋你？」、「就嚟冇屋住，夠擔死同我講，我瞓多陣啫，每日冇貢獻，有飯咪食，有屎咪痾，每次個老婆都解決到，就乜都唔理。」Steven可能被老婆鬧醒，早前出post搵工的他終於有工開，到廣州一間酒吧登台。

　　只見Steven獲酒吧以巨星級排場歡迎，又放紙炮又有粉絲舉牌，脹爆不少的他一身牛仔look，開開心心在大布景版簽名，甚有昔日做明星時的風範。Steven一登場即介紹自己：「我是來自中國香港的Steven張致恒，大家好！」他獻唱BOYZ首本名曲《死性不改》及《LALA世界》，全場觀眾都舉起Steven應援牌；他亦非常開心又勁投入，一邊唱一邊又彈又跳，雖然歌藝麻麻，起碼成功炒熱全場氣氛。有男觀眾突然上台獻花，又哄埋Steven耳邊咬耳仔，異常地親密；雖然Steven有少少愕然，但都笑笑口接受，又擁抱答謝男觀眾，表現專業。

　　有網民見到Steven努力搵錢，留言亦難得手下留情：「人哋出來做嘢，唔好話佢了。小朋友好無辜，佢再唔做嘢食雪了」、「都留點口德吧，他也要賺錢養小朋友」、「人家都出來賺錢還要被罵，網友要求真高」、「肯做就好了，沒有甚麼可笑的」等等。雯雯眼見老公有錢帶回家，相信好安慰，平時日日鬧老公廢的她，見到有傳媒以「超霉藝人」形容Steven，立即「起晒鋼」，出IG Story出言保護老公：「比（畀）條路人行其實會唔會比逼死一個人更加有意義？」、「其實有工作搵下錢生活，又要比（被）你哋寫到咁，其實你哋內心係諗咩，係咪真係全家消失，你哋呢班人就最開心。」、「每日有工作，開始解決緊問題，唔通又要日日好高調放出嚟話你知」。

　　雯雯又讚揚Steven：「衰係佢衰，但佢仲肯堅持搵錢比（畀）屋企，點解唔比（畀）條路佢行，繼續笑繼續踏，你哋真係咁開心？之後我唔知，雖然係遲咗啲，但至少個仔生日，佢靠自己工作搵到錢，同到佢簡單慶祝，我已經覺得係好開始。」雯雯解釋：「我係成日發顛（癲），成日鬧成日踏（踩），當時佢的確係廢，但佢依家每日肯工作，仲肯生存，想重新開始，咁點解唔可以比（畀）佢行？人可以好脆弱，唔通真係要逼死？」

　　有網民私訊雯雯斥責她說話一時一樣，雯雯寸爆回應：「地球每日都轉緊，世界每日都變緊，人每日亦向前行緊。」早前，有癌症病人控訴雯雯借錢唔還，當時雯雯明言「未有鬆動錢」；現在老公有畀家用，只見她出po問「有冇小朋友暑期班推介」，可能已開始還清債務，更能為小朋友打算將來。