世事政情

　　蔡楓華將於11月24及25日假文化中心舉行2場演唱會，他接受TVB娛樂新聞台《StarTalk》專訪時，忍不住怒斥多年的負面新聞是「毀滅性報道」，強調自己絕非精神病患，他又罕有分享愛情觀及擇偶條件。

蔡楓華接受訪問，宣傳下月的演唱會。

蔡楓華罕有在訪問中大談感情世界。

　　蔡楓華接受《StarTalk》主持許文軒（Edmond）訪問，提到每年堅持開騷，他指一班忠實歌迷對他不離不棄，所以開騷回饋他們。提到今次是自資開騷，蔡楓華說：「託賴做過咁多次自己演出同投資嘅騷，都有錢賺。」雖然疫情期間無工開，他仍能靠積蓄過活，澄清：「我有積蓄㗎嘛，我邊有被人接濟過？我又有投資，唔係嗰啲虛擬幣，好穩陣收息。」

　　網民發現蔡楓華過往幾年開騷，演唱會海報都「循環再用」同一張相，今次終於影一輯新相，他笑說：「（被人）講得多，咪影過一輯。但（用同一張相）絕對唔係慳錢，影輯相幾千蚊搞掂，因為人哋覺得（之前張相）好咪用。今次我著番皮褸後生啲，戴番cap帽好型咁。」

85年，蔡楓華主持《勁歌》季選時，因一句言論影響前途。

強調情緒冇問題。

　　1985年，蔡楓華主持《勁歌金曲》季選時，因一句「一時嘅光輝未必係永恆」而備受批評，往後多年的報道都以負面為主，他力斥：「呢啲唔係負面，係毀滅性報道！唔可以胡亂話人有精神病，咁對藝人係絕對傷害，更甚於話佢爛賭、爛滾！郁一下隻手話你手舞足蹈，講嘢又影你大頭話你自言自語，眨眼又話你反眼，係冇可能接受！我好清醒，咁有思路，點會係神經？」他又透露希望日後出自傳。

　　平時甚少露面的蔡楓華，今次難得談及平日嗜好，年輕時愛飛車的他，現在的嗜好是收藏名貴結他，又會聽不同類型音樂：「古典、粵劇、K-pop我都有聽！」他預告本月開騷後，將相隔一段長時間才再開演唱會，「因為我好想喺紅館開騷，但好難排，等有紅館（檔期）先做。」

當年好靚仔。

已故天后梅艷芳勸蔡楓華多點唱歌，少點從事幕後。

　　單身多時的蔡楓華，在節目中亦難得談及感情事，對於找伴侶，他無奈說：「隨緣，而家唔係我揀人，係人揀我。我以前講話要求（對方）樣靚身材正，只係講畀人聽，其實我對擇偶冇乜要求，一紙婚書又點啫？就算結咗婚，如果唔啱嘅仲煩，搞一輪手續。有啲人講得好啱，曾經同某人同居已經當做結咗一次婚，佢要嚟，一定會嚟；佢要走，無謂挽留，呢個係我嘅格言。」許文軒問是否過往的感情經歷，令他有如此想法？他只是說：「係有啲經歷，所以無諗呢樣（感情），做好自己。」

　　【晴報專訊】TVB長壽節目《勁歌金曲》播映近43年，雖然無綫總經理曾志偉曾銳意改革，但近年《勁歌》播放時間愈縮愈短，本周日更將播放最後一集及特備節目《勁歌43年情．讓音樂高飛》，節目正式劃上句號。

曾志偉前年曾大幅改革《勁歌》，加添專業音樂元素，可惜無助收視。（資料圖片）

　　《勁歌金曲》由1981年首播至今，曾在黃金時段播出，近年被調至深夜時間播放，收視愈跌愈低；前年，曾志偉掌管音樂業務後一度改革《勁歌》，不但調回黃金時段播放，而內容除了歌手獻唱新歌外，亦有網絡歌手及素人演出，並由專業音樂人及現場觀眾組成「導賞團」及「音樂選民」，品評歌手表現。可惜新元素無力挽救《勁歌》劣勢，節目及後被調到深夜播放，時間由半小時縮至15分鐘。早前志偉更透露，有意將《勁歌》頒獎禮改為兩年一屆，中間加插大灣區音樂頒獎典禮。

近年《勁歌》曾加入現場觀眾「音樂選民」環節，品評歌手表現。（網上截圖）

新節目加插炎明熹專屬環節

　　據TVB娛樂新聞台報道，《勁歌》於周日凌晨播放最後一集，同日晚上播放特備節目《勁歌43年情．讓音樂高飛》。《勁歌》第一代主持蔡楓華任節目嘉賓，他慨嘆：「一開始嘅主持係我，收尾嗰個都係我，有啲感觸。」他最難忘訪問樂壇「大姑媽」艾頓莊（Elton John）及已故女星翁美玲：「我同翁美玲做完訪問無耐，佢就過咗身，我好難忘記。」事實上，1985年蔡楓華孖盧敏儀主持《勁歌》季選時，因發表「一時嘅光輝未必係永恆」言論而備受批評，更被撤換主持一職。

蔡楓華指當年《勁歌》極多外景，主持人要一腳踢。（TVB娛樂新聞台截圖）

85年，蔡楓華主持《勁歌》季選，因言論飽受抨擊。（網上截圖）

　　《勁歌》結束後，無綫迅即換上全新音樂節目。據TVB Music Group社交網指，由本月28日起逢周日晚上10時半，翡翠台將播放新節目《J Music》，節目更設立新環節《Gi心批》，屆時由無綫力捧的歌手炎明熹親自讀出粉絲來信。