世事政情

　　34歲余德丞近日拍《余常生活》YouTube Channel的影片，獲得不少網友熱烈討論，他自爆由於媽媽有高膽固醇的病史，所以遺傳給他，令他先天性高膽固醇，檢查身體時醫生發現此事，即時要求他長期服藥控制指數，但余德丞就相當抗拒，醫生限他四個月內將指數降低，否則就要乖乖服藥。

　　余德丞透露過去四個月都使用不同的方法，希望盡快有效地降低高膽固醇的指數，其中他用盒裝鈣奶加低糖麥皮做早餐，連續四個月，結果壞膽固醇（低密度脂蛋白膽固醇LDL-C）指數由4.2降至3.4，下降20%，「當然3.4仍然係過高，生活習慣上好多嘢係冇變到，有變就係食多咗牛油果、奇異果同食少咗牛肉。」他表示今次覆診醫生都暫時決定都不需要服藥。

　　另外，一向追求生活品味的余德丞向網民展示在日本購入的家品，兩隻啤酒杯盛惠5500日圓（約301元港幣），他表示兩隻杯玻璃特薄，才能展示啤酒倒出來的氣泡，比一般的玻璃杯不一樣。

　　除了啤酒杯之外，余德丞更大爆大手購入日本製造的毛巾，價錢相當高，他表示：「有一次去日本酒店沖涼抹身嘅時候，嘩，點解咁柔軟，索水索得好快！」他特別去尋找毛巾的品牌，雖然沒有牌子，但找到一個紅白藍三色的標籤，發現標籤原來代表毛巾由日本愛媛縣今治出產的，他形容該款毛巾用過一次之後，仍念念不忘那種溫暖。

　　余德丞坦言見到價錢後一度卻步，事關竟然賣$1560港幣一條，但幸好早前感恩祭半價優惠，他覺得機會難逢，於是一次過購入四條不同顏色，「我明白你會話我係癡X線，7百幾蚊買條毛巾，但真係你冇用過呢，你感受唔到嗰種癲，一披埋嚟就已經乾晒！」他表示介紹幾位朋友，幾位朋友都立即愛上，被形容「堅離地丞」，他笑稱自從COVID之後，他學會人生在世，要及時行樂！

　　鄧兆尊早前作客「田豪祖3寶」Facebook做直播主持，大談近日熱辣辣的娛樂話題，提及翟威廉在一個訪問中自認有海量性伴侶，鄧兆尊表示欣賞他夠坦白，因藝人都是常人有七情六慾。被問到圈中有沒有「大兜亂」的關係，兆尊形容有「炒粉」的情況，亦大爆曾有同劇女演員邀請上門，對方以性感內衣色誘......

　　鄧兆尊跟「田豪祖3寶」YouTube Channel主持曾志豪、貴花田及王耀祖一向老友鬼鬼，每逢有主持放假，鄧兆尊都充當「客席主持」參與直播的工作，由於兆尊經常大爆娛樂圈的秘聞，所以大受網民歡迎。近日，鄧兆尊在直播期間以翟威廉海量性伴侶為話題，他被問到有沒有圈中人主動送上門做性伴侶？兆尊坦言：「點會冇吖？以前有一個同我拍同一套劇嘅女演員，放咗工叫我幫佢整（修理）個漏水嘅擺設，佢話壞咗，可唔可以放工有時間嚟幫佢整？我話好，去到一開門，嘩，喱士睡衣，真係乜都凸晒出嚟咁濟，我好奇怪行入去間屋，點知佢仲同工人講：『鄧生我同佢冇嘢呀，佢嚟整嘢！』我一整完梗係即刻走啦，喺嗰個情景，好明顯係一個局，仲整落去？我唔係何伯呀大佬！」曾志豪和貴花田追問事件的後續，鄧兆尊再爆料：「收尾有人中咗招啦，（有冇手尾跟？）嗰個男人係結咗婚嘅，藝人嚟嘅，我唔知有冇手尾，只知個女星越搬越近個男人屋企。」

　　問到性伴侶是否找藝人會比較安全？兆尊說：「搵藝人大家有保障呀嘛，你唔篤爆我，我又唔篤爆你，但藝人就好難招呼，始終男女都有身分，一線食四線，四線一定受氣。而家出面有好多公關會安排好多嘢，中介有好多著數，唔淨係講錢。試過有女藝人，而家冇做呀喇，當時同我講話想賺啲錢，我答佢搵我都幫佢唔到，佢話：『你不如圈養我啦！』我做唔到呢樣嘢，所以介紹咗畀我朋友，個男仔冇結婚，（你唔要就推畀人？）喂，我冇用過，你有所需，佢有所求啫，撮合咗佢哋，都拍咗拖十幾年，作為同事介紹畀佢，而且對方單身，呢樣我覺得冇問題。」兆尊表示圈中「玩家」通常有樣睇，「單身未必係爛玩，通常結咗婚先爛玩，最高（手）係出去玩，話畀人知已經結咗婚呀喇，仲曬手機啲仔女相，所以出去做咩，人哋都唔會追究你，令人唔好有憧憬以為可以做女朋友。」