世事政情

　　盧海鵬近年不時出席在電影活動，去年9月現身《歡樂今宵》EYT聚會時，雖然要用拐杖及友人攙扶，不過仍然精神奕奕，中氣十足。現時82歲的盧海鵬日前再現身「藝進同學會」的周年晚宴，席間接受好友鄧英敏的YouTube Channel《老友鬼鬼》訪問，自爆原來右眼已經失明，老無所依，幸好有好友關懷。

　　盧海鵬被問到身體如何？他中氣十足地回答話：「呢輪身體唔錯㗎，咩事都冇，問題就係以前搞到自己隻眼盲咗，（點解？）因為長期糖尿，引起青光眼，冇辦法醫到，後來知道都冇得醫啦。」他表示右眼完全失明，左眼正常。盧海鵬近年身體健康，全靠周潤發的帶領，每朝去跑步晨運，鄧英敏問快跑定慢跑，盧海鵬說：「梗係慢跑啦，我能唔能夠急跑先？就算係急跑都會死人，個心臟都負荷唔起。（每日跑幾耐？）一個鐘頭，冇停過，梗係連續跑啦。」鄧英敏大讚：「咁你真係好叻喎！」晨跑過後，他便去醫肚，「跑完步就買個面包食吓，好簡單嘅早餐，沖杯嘢飲咪得囉。」

　　談到下個月的農曆新年，盧海鵬說：「冇咩打算，你過咩節都係咁㗎啦，我啲人冇晒喺度，屋企人全部喺晒加拿大，剩番我一個喺度啫。大陸嘅屋企人就死晒，父母兄弟，阿哥阿嫂，冚唪唥死晒。」鄧英敏安慰他說：「人生都係咁啦，最緊要你身邊有一班好朋友，一班同學，大家陪吓傾吓偈都好啊。」盧海鵬表示認同，他說：「而家都係靠咁，你話要我去邊度，我都唔去㗎啦。（外地拍戲又如何？）演出就難講啦，自己覺得可以做咪做吓囉。（有戲癮嗎？）有乜戲唔戲癮，做戲嘅嘢，你一撩到就有（戲）癮㗎啦，你唔撩就係咁呆呆滯滯囉。年紀都唔細啦！」

　　盧海鵬寄語一眾「老友記」：「大家注意身體健康，最緊要身體健康，咩事都唔使理㗎啦！又唔好強求乜嘢，你有得撈就撈，冇得撈就算，就係咁樣過啦。(飲食方面？）最簡單最好，你晚晚咁飲（宴）盞死。我夜晚唔食嘢，5點食個麵就算，所以一嚟飲（宴）個人就唔舒服。又夜瞓啦，我跑步改變晒啲時間嘛。夜晚9點就瞓，朝早6點鬧鐘就響。」鄧英敏問到篤追問盧海鵬幾點食午餐，盧海鵬被問到不太耐煩，「你真係長氣，我話中午咪中午囉，你話12點、1點，唔通11點呀？唉，講咁耐算數啦！」鄧英敏笑言：「鵬哥的耐性係咁上下，今日算係咁呀喇！」

　　幾年前，盧海鵬有一條血管阻塞了百分之九十，要入院「通波仔」，當時古天樂有份極力游說他做手術，並先替他付20萬醫療費用，再由盧海鵬索取保險賠償。盧海鵬1973年入讀無線電視第三期訓練班，同學包括周潤發及吳孟達等，他是《歡樂今宵 》的中流砥柱，經常扮鬼扮馬，為觀眾帶來歡樂。盧海鵬在電影方面都有很多成就，曾憑《奪命金》榮獲金像獎「最佳男配角」。盧海鵬先後有兩段婚姻，共育有一子兩女，不過晚年跟子女分隔兩地，盧海鵬則選擇留港。

　　76歲的姜大衞和75歲的李琳琳在娛樂圈相知、相遇、相愛，直至今年是他們結婚50周年的日子，早前他們選擇跟一大班圈中好友一齊慶祝，更大方在大家手機鏡頭前咀嘴慶祝曬恩愛，甜蜜到爆。結婚50年，先後誕下兩女一子，孻仔姜卓文都帶埋女友到賀，場面熱鬧。

　　姜大衞（John哥）和李琳琳結婚周年的日子，John哥在IG分享一張兩日的舊相，疑似是結婚時宣誓的場面，他幽默留言說：「50年前的今天，我倆從此被困。」相當搞笑，John哥和琳琳姐跟圈中一大班好朋友一齊慶祝「金婚」，除了女兒姜依蘭和女婿曹永廉、孻仔姜卓文及女友外，還有曾志偉、羅蘭、盧海鵬、賈思樂、甄珍、余安安、馬海倫、吳麗珠、潘嘉德、甄楚倩、陳友、鄧達智、黃韻材、連炎輝、傳媒人汪曼玲等等，場面非常熱鬧。一眾出席的好友都在心意卡上簽名，John哥和琳琳姐收到心意卡都非常感動，並應現場的賓客起哄要求錫錫，相愛50年仍然甜蜜如昔，實在難得。

　　姜大衛結婚，她早前在電台節目訪問中表示不認為自己早婚，「嗰個年代廿六歲唔細啦，其實有需要結婚，唔結唔得，個肚慢慢大嘛，哈哈！我唔係教壞人，只係我唔會隱瞞，有嗰樣講嗰樣！」談及結婚半世紀，姜大衛早前奪得最佳男配角，極浪漫的宣稱要將獎座送給琳琳姐作五十周年結婚禮物，她說：「當年嫁畀佢，因佢好好心地、好有義氣，同時佢好照顧我、忍讓我，我真係比較任性，又執著，狄波拉都話我係佢識咁多人當中最硬頸，我真係咁！我知阿John好多時讓我，以前我執著到試過一個月唔同佢講嘢，死未？真係好難頂。但而家年紀大，慢慢放下執著，唔會再嘈交，只會唔出聲，過幾個鐘就唔記得嬲啲乜。」問琳琳姐改變執著硬頸，會否與2011年經歷大腸癌有關，她說：「嗰次嘅病對我係一個反省，John真係照顧我無微不至，相處幾十年，佢令我好感動。」