吃喝玩樂

　　香港貴為國際大都會，銅鑼灣就是國際潮流的落腳點，嚟到銅鑼灣掃街，當然都要掃得「國際化」啦！經過小編連日來嘅明查暗訪，為大家找來六間人氣美食小店，包括：日本九州人氣日式芝士蛋糕、「超抵食」六味日式魚蛋、「影相先」日式雪糕、「熱情活力」健康墨西哥小吃、本土懷舊回憶「餅店」以及癡線芝士拉絲「熱狗」！事不易遲，一齊睇盡6大異國美食小店啦！

 

超人氣「極鬆軟」日式芝士蛋糕

 

　　超人氣日式芝士蛋糕Uncle Tetsu來自日本九州，有二十多年歷史，專門店遍佈日本及世界各地，日前更來港開分店，香港人有口福了！Uncle Tetsu以其皇牌6吋芝士蛋糕，最廣為人熟識，其芝士蛋糕口感輕盈加上超平價錢，不少人試過都話一試難忘！小編從來只信自己的「舌頭」，當然要去一試虛實啦！

 

 

　　說到「超人氣」，難免會有人龍，不過下午時間前來，人龍並不算長，大概只需等了十分鐘左右。小編站在店外的時候，經已聞到陣陣芝士香味，「流哂口水」！

 

 

　　開放式的廚房，大家在輪候時都可以看到芝士蛋糕各個製作流程，說時遲那時快，又有一批芝士蛋糕出爐了！

 

 

　　蛋糕出爐以後會稍稍放涼一會，其後師傅便會在蛋糕表面一一燙上Uncle Tetsu的可愛伯伯肖像。蛋糕平均每15至20分鐘出爐1次，每次會有12個，每人限買1個。而且每日限售400個，大家可能要做好排隊的心理準備啦！

 

皇牌芝士蛋糕 ( $59 )

 

　　蛋糕用上日本麵粉、牛油、牛奶和蛋，而忌廉芝士則採用澳洲來源，最重要的是他們的神秘配方，準確調配蛋糕的酸度，才能成功風靡日本芝士迷25年，甚至成為遊客們的必買手信！

 

 

　　用料當然重要，但要滿足「為食」小編，最首要必定是味道！芝士蛋糕傳來陣陣的芝士以及香濃的蛋香，剛出爐蛋糕帶微暖，口感軟綿順滑，入口即溶，感覺輕盈，一口接一口也沒有「罪惡感」！冷藏後再品嚐，卻有另一番滋味，突出的不是蛋味，反而突出了濃濃芝士味道以及牛奶香！

 

 

　　大家都知道日本人份外細心，在包裝時亦不忘採用「氣孔紙盒」，防止盒內的蒸氣過剩，而令蛋糕過濕或變形，好貼心的設計！

 

Uncle Tetsu’s Cheesecake

地址：銅鑼灣景隆街3號B鋪 （D1出口）

電話：2877 7895

營業時間：11:00am -10:00pm

 

下頁介紹　「超抵食」日式魚蛋六味

 

「超抵食」日式魚蛋  六種不同滋味

 

　　銅鑼灣祟光百貨的地庫除了高級超市以外，亦有不少美食！小編歷盡艱辛，穿過重重人潮後，看到有日式小食店售賣日式魚丸，口味多多，竟然只係「廿蚊8粒」，超抵！

 

日式魚丸（$20/8粒）

 

　　小編當然要為大家嚐盡六種口味啦！不過可能製作的時間不一，有些味道放涼了，影響了口感，大家進食前不妨請求店員加熱一下。

 

 

　　先介紹（左起）枝豆味、菠菜味以及三文魚丸，魚丸本身魚味不太重，枝豆亦沒有什麼味道，整體味道比較寡；菠菜魚丸，一咬開就看到內含大量菠菜，味道似在食菠菜餃；三文魚丸是唯一一款以其他魚作材料的口味，口感相比沒那麼彈牙，味道略嫌太淡，失去了三文魚本身的油香。

 

 

　　小編比較喜歡另外三款口味，分別是（左起）粟米味、洋蔥味以及椒絲魚丸，栗米魚丸內有大量香甜栗米，味道猶如酒樓中的栗米花枝餅，更有栗米班塊的味道，小朋友定必喜歡；洋蔥魚丸是眾多口味中最香的一款，一咬開就聞到香濃的洋蔥甜味，味道似是炸洋蔥圈，好食到停唔到口！最後一款椒絲魚丸，同樣香味四溢，一點點辣味令魚肉的味道提升，簡直是完美配合！

 

 

揚天

地址：銅鑼灣軒尼斯道555號崇光百貨地庫

 

下頁介紹　網上瘋傳「影相先」日式雪糕

 

「影相先」I Cremeria日式雪糕

 

　　I Cremeria是一間結合時尚的雪糕店，老闆是日本人。裝潢以木為元素，牆壁掛上掛畫。店内不設座位，只有站位。

 

 

I Cremeria主打多款抹茶雪糕，採用源自1836年景都森半宇治抹茶。

 

　　I Cremeria並非專賣抹茶，亦會以時令水果入饌，製成水果芭菲，當中最出名的便是日本直送蜜瓜芭菲，以半個蜜瓜盛上芭菲，影相「呃LIKE」一流，不過價值不菲，售價$220。

 

小編最後選擇了ILLY香醇咖啡Affogata以及柚子抹茶饀蜜芭菲！

店員用心為甜品「扮靚」，難怪成品出來如此賞心悅目！

柚子抹茶饀蜜芭菲（$56）

 

　　綠茶與柚子也能成為拍檔？小編選擇了扭紋雪糕，雪糕口感幼滑，牛奶雪糕選用北海道3.6牛奶，奶味香濃，而抹茶雪糕味道甘香，不偏甜亦不覺苦。當抹茶遇上柚子，可惜柚子醬的味道太濃，蓋過了抹茶雪糕淡淡的香味，吃到柚子皮時更是太苦，感覺不太配。柚子醬夾牛奶雪糕，味道反而更合適。

 

ILLY香醇咖啡Affogata（$48）

 

　　雪糕口感幼滑，牛奶雪糕選用北海道3.6牛奶，奶味香濃，再配合熱騰騰的ILLY black coffee，雪糕慢慢融化，一口雪糕，啖啖的咖啡香，配以香脆的焦糖脆片，簡直是高級的享受！

 

 

　　店員會即席在客人面前倒入咖啡，看著熱騰騰的咖啡，淋在雪白的牛奶雪糕上，雪糕慢慢融化，畫面相當吸引！ 

 

　　順帶一提，店內所提供的匙羹看似銀製，其實係膠匙羹，太有心思了吧！

 

I Cremeria

地址：銅鑼灣記利佐治街11-19號名店坊1樓F-9

營業時間：星期一至日 上午11時至晚上11時

 

下頁介紹　「熱情活力」健康墨西哥小吃

 

「熱情活力」健康墨西哥式街頭小吃

 

　　墨西哥菜向來給人既熱情又有活力的感覺，可惜香港的墨西哥餐館不多，尤其是以墨西哥式街頭小吃，如墨西哥薄餅、手卷及脆片為主的快餐，更是少之又少。小編遊走銅鑼灣橫街小巷時，無意中竟發現這間主打美國加州風味墨西哥菜的「Cali-Mex」，小編當然要一試啦！

 

 

　　餐廳主要供應五款快餐食物，當中包括有 Burritos 捲餅、Quesadillas 墨西哥薄餅、Tacos 烤玉米餅、Saladas 沙律及 Nachos 玉米薄脆。至於食材，除了餅皮是自家焗製之外，就連用來配搭的餡料都有唔少選擇，包括有來自澳洲的安格斯牛肉、澳洲雞肉、美國豬肩肉、新西蘭魚柳、大蝦及本地新鮮蔬菜等，加上自家製造的香草番茄沙律 Pico de gallo、牛油果醬 Guacamole 和番茄 Salsa 等醬汁，感覺好清新健康！

 

　　店鋪以鮮橙色為主調， 牆上有不同的塗鴉，除了畫上一大個店子招牌外，還有仙人掌、椰子樹、太陽以及墨西哥帽，再配上鮮艷的馬賽克枱子和和鮮橙色的膠椅子, 充滿着墨西哥色彩, 火辣熱情的感覺！

 

 

　　一般墨西哥快餐不單只很快、很美味而且很健康。香港基本上最出名的已經是 「Cali-Mex」了，已經發展到全港12間分店！

 

 

　　下午茶時間，「Cali-Mex」會推出小食系列，包括：有 Quesadillas 墨西哥薄餅、Tacos 烤玉米餅、Nachos 玉米薄脆及Churros西班牙炸油條！小編就試咗烤玉米餅以及Nachos 玉米薄脆，充滿驚喜！

 

Mini Nachos 玉米薄脆 ($38)

 

　　玉米薄脆表面鋪上芝士，再入爐烤焗，熱溶芝士滿佈薄脆上，一拎起薄脆隨即「拉絲」，香脆可口！

 

Single Tacos 烤玉米餅($38)

 

　　烤玉米餅外面香脆，內裏包著爽脆的生菜絲、酸咪咪的蕃茄碎粒、特選芝士和酸忌廉，一口咬下去已發出卜卜聲，一點都不覺油膩。餡料方面可以選擇牛肉、雞肉或者豬肉，小編選了雞肉，由澳洲進口，經醃製48小時後慢煮，再手撕混入秘製醬料，雞肉被撕成幼絲，跟醬料完全混和，墨西哥的香料味濃，味道富層次，唯一是吃起上來要小心，太多餡料一咬下去就會很狼狽，滿手都是汁。

 

 

　　題外話，大家在選食Tacos 烤玉米餅時，切記醬料有分不同的辣味程度，小辣、中辣以及大辣，小編不小心點了大辣，最後當然「辣到噴火」，一秒飲一枝水。

 

 

Cali-Mex

地址：銅鑼灣邊寧頓街9-11號地下（渣甸街轉角位）

 

下頁介紹　　香港懷舊回憶「丹麥餅店」

 

「丹麥餅店」細味香港情懷

 

　　老店，總會令人憶起許多的往事，經歷世紀變遷的「丹麥餅店」，屹立禮頓道近50年，以熱狗雞髀等馳名，吸引陳奕迅、鄭伊健等藝人光顧，店內的裝潢仍保留著六、七十年代的痕跡，白色的長型光管，透明的西餅櫃等，很有懷舊味道！

 

 

　　店內的一磚一瓦，多年來不曾改變， 70年代典型小店裝潢，令人細味香港懷舊的痕跡。

 

這種舊式的紅黃餐牌，大家又見過未呢？

　

　無論烘麵包的多士爐，抑或麵包櫃，統統從開店沿用至今。這位老師傅的身價比金舖櫥窗的黃金更值錢！

 

豬扒包（$18）

 

　　這個熱辣辣的豬扒飽即叫即製，豬扒仲大塊過麵包，麵包烤過以後，表面香脆，中間夾著酥脆豬扒，配上茄汁及沙律醬，簡直是懷舊香港小食的滋味！

 

炸雞脾（$18）

 

　　講到小朋友對街頭小食的童年回憶，當然不少得「炸脾」，熱烘烘的雞脾外皮炸得香脆，內裏肉質嫩滑有汁，雞肉沒有炸得過火而鞋口，表面灑了少許淮鹽，惹味難得，很邪惡呀！ 

 

丹麥餅店

地址：銅鑼灣禮頓道106號禮信大廈地下

營業時間： 06:30–19:00

 

下頁介紹　　癡線芝士拉絲「熱狗」

 

熱溶芝士拉絲熱狗「Iconic H」

 

　　推出芝士「溶岩」熱狗而聞名的紅磡人氣熱狗店Iconic H，曾經喺香港引起一陣熱狗熱潮，兩個月前竟然登陸銅鑼灣，小編當然「唔執輸」帶大家一睹癡線芝士拉絲「熱狗」嘅真面目啦！

 

分店店面光亮華麗，門口貼滿各式各樣的特色熱狗，的確是「狗」 多眼亂！

 

　　大家可以單叫熱狗，亦可以選購套餐，套餐包括自選小食：薯條、薯笑餅、粟米杯或者沙律杯，以及罐裝飲品，若不喜歡罐裝飲品，可以選擇升級特飲－果醋梳打。

 

大家亦可以創作配合自己獨特口味喜好的熱狗。

小編就選擇了「魚蛋狗」套餐（$90），配黑松露蛋黃醬薯條，以及白桃果醋梳打。

魚蛋狗＋熱溶芝士（$48+$10）

 

　　一開盒已經可以看到多麼美好的「芝絲」，足料熱狗份量十足！或者你會有個疑問，魚蛋狗入面係咪有魚蛋？其實，並非魚蛋，而是用上三文「魚」肉製成香腸，配上明太子炒滑「蛋」！ 

 

 

　　三文魚腸比較結實口感爽脆，，咀嚼後散發淡淡魚肉香，明太子炒蛋炒得非常滑溜且有蛋香，明太子亦增加了鹹香！ 

 

 

　　熱狗包身鬆軟，上面有必需追加的熱溶芝士，以三款芝士調配的秘方，口感煙韌、味道卻不濃，不會搶走香腸的味道，味道香濃之餘又達到「拉絲」效果，整體確實不錯！

 

癡線芝士拉絲「熱狗」令人瘋狂！

薯條 （套餐自選小食）

 

　　薯條炸得香脆，內裏軟熟，不油膩，沾上松露蛋黃醬，散發著香味的松露香味，相互配合下的確一絕！

 

　　至於白桃梳打 (單點$18) ，由於加入果醋，味道帶酸，配合梳打的清爽口感，讓人可以減低芝士的油膩感！

 

Iconic H

地址：銅鑼灣禮頓道106-126號禮信大廈地下3&16號舖