吃喝玩樂

　　返工日日都咁忙，想坐低慢慢食餐飯都好難，仲點會食得健康！有時忙起上來，簡簡單單一個美味暖湯，輕輕巧巧已是很好的一餐。編者最近發現，大角咀新開一間新派輕食店「壹杯SUPU」，主打100%新鮮蔬菜熬製的西式濃湯，而且標榜無味精，感覺天然，卡路里亦比平時飲開的肉湯低一半；最讚是款式都算多，可以日日飲不同口味，好啱做Light Meal或Light Lunch！4月主廚限定更有鮮味爆燈的黃金海膽湯，怕不夠飽可以配麵包沾湯吃，非常好味！

 

「壹杯SUPU」走日系清新風格，給人一種舒服愜意的感覺，店內亦設有小吧枱可供立食。

 

　　「壹杯SUPU」選址大角咀，店舖空間小小，只設小吧枱供立食，主打西式濃湯輕食套餐，加上以「100%新鮮蔬菜熬製」作招徠，成功吸引一班追求健康飲食的年輕客人！店子雖小，廚房團隊不容小覷，位位都擁有多年酒店餐飲主廚經驗，部分更曾任職米芝蓮兩星餐廳，出品質素有保證！想試？先睇編者的「試飲報告」！

 

　　第一個要介紹的，必定是「4月主廚限定」的黃金海膽湯，入口好幼滑，不腥！聽廚師講，這湯採用100%日本海膽，再加日本麵豉、日式鰹魚高湯打成，難怪入口啖啖鮮甜香濃！最抵讚是每碗湯都有原片海膽浮台，果然足料！望落亦夠精緻，打卡呃like一流！唯一美中不足的是，這款湯不設外賣，兼每日限量發售，想試就要趁早堂食！

 

黃金海膽湯（$88）

 

下頁睇其他湯款推介

 

　　除了「黃金海膽湯」外，以下幾款濃湯都有不少捧場客，而且有Regular（$38）和Large（$58）兩個size揀，無論你胃口大定小，一樣照顧到！

 

　　由新鮮芫荽打成的「青湯」，簡直將芫荽的香味發揮到極致！鍾意的人會好鍾意，討厭「荽味」的人則會掉頭走！編者是哪一類人？很不幸，我是後者！至於「芫荽控」攝影師嘗過一口就大讚：「湯底好濃郁，一定落足料！」據講每鍋芫荽濃湯用上20公斤分量的芫荽打成，味道濃得來，不會有太大陣草青味，芫荽控別錯過！

 

芫荽濃湯

 

　　編者最愛就是這款「南瓜藜麥湯」，廚師將南瓜打得軟綿細滑，完全沒有顆粒感，非常順口！味道嗎？香甜！加上口感Q彈的藜麥，令人忍不住一啖接一啖！飽肚感十足！

 

南瓜藜麥湯

 

　　將本地薯仔加入大蒜攪拌而成的「薯仔大蒜湯」，湯質濃稠，加上超香大蒜味，未飲都已經流晒口水！

 

薯仔大蒜湯

 

　　紅菜頭出名營養價值豐富，還有助去濕疹、抗氧化，是不少女孩的健康減肥恩物！廚師將紅菜頭配搭西芹煮成濃湯，色澤鮮艷不在話下，添加了西芹碎後更增加了爽脆口感，味道出乎意外地清新可口！

 

紅菜頭西芹湯

 

　　最近天氣潮濕，很想喝口薑湯來喚醒胃口！這款「甘筍薑湯」口感清爽，既有甘筍的清甜，亦有薑的微微辛辣味，味道天然，值得一試！

 

甘筍薑湯

 

最佳拍檔：沙律、麵包

 

　　除了西式濃湯律外，「壹杯SUPU」亦提供多款法式麵包，包括「小法包」和「青橄欖包」（套餐加$15，單點$20）。如果怕腸胃敏感，可以試試「無麩質原味卷」，不但沒那麼容易引起腸胃炎症，而且「吸湯力」一流，與濃湯簡直是絕配！

 

　　想來點纖維，大家亦可選購「小米青口沙律」（套餐加$25，單點$35）和「野菜沙律」（套餐加$20，單點$30），前者將本地沙律菜混合容易消化吸收和營養價值高的小米，再加上帶有獨特鮮味同海水味的青口，吸引！後者則由廚師精心挑選最時令的本地菜，新鮮爽口！

 

除了西式濃湯律外，「壹杯SUPU」亦提供多款法式麵包和沙律。

 

急凍湯系列方便帶返屋企

 

　　飲完一杯湯，還想再加追一杯嗎？「壹杯SUPU」特意推出急凍湯系列，全部經由真空加急凍處理，可存放在零下4度的雪櫃長達1個月，或放入雪櫃冷藏2日！飲之前只要放入微波爐翻熱幾分鐘就飲得（Regular size：打開蓋叮5分鐘，攪一攪後再叮4分鐘。Large size：打開蓋叮6分鐘，攪一攪後再叮5分鐘。）！超方便！

 

「壹杯SUPU」急凍湯系列共有5款口味可供選擇。

 

壹杯SUPU

地址：大角咀角祥街2號地下J號舖

電話：5722 8983

營業時間：11am-8pm（星期二休息）