世事政情

　　黃之鋒、林朗彥和周庭等三人被控煽惑非法集結等罪名，被判囚，許多香港媒體大幅報道說民主受擠壓，電台刻意把節目做得很長，煞有介事；而許多外國政客又加入評論，說甚麼大陸收窄香港言論空間，打壓民主鬥士。

　　坦白說，我並不明白他們所謂反對的理由，要搞清楚他們3個人是自己在法庭上承認犯法的。他們3個人承認的錯誤，而其他人會卻認為錯不在他們，是大陸和特區政府，這是甚麼邏輯？

　　他們3人走進法院前，是自由人，有律師代表，而且不是一般律師，而是名大狀。他們徵詢過自己的律師意見，承認自己的罪責，而且事先張揚，早在上庭前幾天已經講明會認罪。正因為他們主動認罪，所以才得到法官減刑基礎。

　　他們是叫人去包圍警察總部，有直播，證據確鑿；他們又主動認罪，為甚麼還有人說是打壓？為甚麼還有這麼多人相信是打壓？

　　他們的邏輯是怎樣的！

　　正如上星期批評政府防疫專家小組和林鄭月娥的防疫措施，他們以不科學作為不贊成全民強制檢測一樣。究竟全民強制檢測不科學在哪裏？你們可以說全民強制檢測做不到、不可能做得到、很困難，千百個理由也可以，但偏偏就不能用不科學作理據。因為全民強制檢測是行政措施，跟這科學沒有關係的。

　　這又是甚麼邏輯？

　　正如今天爆疫爆得十分厲害，原來我們才發現由海外乘飛機回來的人，要求他們的隔離措施是如何兒戲？離開機場自行搭車，沒安排；家居隔離可以四圍走，無人理；酒店隔離可以讓人探訪，無人管……

　　為甚麼跳舞群組出事而不立刻全面追蹤？為甚麼葵盛西邨8座已出現8宗確診而不先封後驗，竟讓部分居民搬離？為甚麼麗晶花園第6座不同樓層4單位7人確診，而且全在D室，卻沒有跟進？請問這一切一切建基在甚麼邏輯思考上？

　　香港今天弄至這樣田地，怪不得別人，只怪自己的官員和政棍，背離邏輯，不講道理，結果害苦港人，害死香港。

　　本身屬民主黨嘅立法會前議員許智峯，周初突然現身丹麥，被人懷疑佢有「出走」意圖；但當時佢極力否認，仲話出席完當地環保會議後就會回港。點知轉個頭，佢嘅屋企人都被傳已經離港，最終噚晚許就喺自己Facebook宣布「流亡」，並同時退出民主黨。

　　許智峯依家孭緊9項控罪喺身，但其實9條罪，無一條係同《國安法》有關。要知道泛民一方打緊嘅「國際線」，主力都係要令外國政府或者國會，將《國安法》視為摧毀一國兩制嘅武器，如果任何抗爭者被不當引用《國安法》而被起訴，最終被判囚，喺泛民立場，咁就係最有力嘅證據。但係許嘅9項控罪，其實都無乜邊一條話係好嚴重，因為呢9項控罪而宣告「流亡」，許未免有啲高估咗自已嘅影響力。

　　有建制派元老同Tina剖釋，民主黨中人從來都未令阿爺太頭痛。羅冠聰當初走，因為學民思潮先係重點被招呼對象，而黃之鋒同羅兩人既然係學民大腦，羅出走海外，稱得上係「真流亡」。呢位元老仲話：「許智峯影響力點可以同羅黃兩人相比？用《國安法》真係有排都未輪到佢，或者佢自知號召力無其他泛民陣營嘅中堅咁強，出年如果無得再選立法會，之後佢9條罪有部分被入罪的話，連區議員都無得做，咁又邊度搵資源？走，似『僭逃』多過『流亡』，似係為自己同家人生活，多過佢口中所講嘅擴大國際線。」

　　不過佢一人出走，都唔係無後果，最大嘅影響，係往後牽涉泛民陣營嘅案件，被告可以獲得保釋嘅機會可能會大大降低。依家被拘留嘅壹仔老闆黎智英、社民連嘅快必等等，都被法院否決保釋申請。許出走之後，法院會唔會再為被告人訂下更嚴苛嘅保釋門檻，真係未知之數。

　　另一後果可能係會令阿爺重新審視民主黨嘅存在價值。建制派元老指出，阿爺一直容許民主黨為首嘅民主派喺立法會同政府打對台，一方面係阿爺真心覺得民主黨創辦人司徒華係真心愛國（當年華叔過身新華社都有出稿）；第二方面，有民主黨嘅立法會，帶出另一種聲音，的確係向外實現一國兩制嘅最佳舞台。依家許出走之後，雖然佢已脫黨，但往後如果繼續打「國際線」，將可能令民主黨僅餘嘅價值都無埋，「真係可能掛住民主黨牌頭嘅都無得選，所以今次許所謂嘅『流亡』，真係可能會累到民主黨「黨散人亡」！」