世事政情

　　前港台高層上星期問我：「（大陸）使唔使咁盡呀！」

　　我說：「當日燒國旗、噓國歌、圍中聯辦扔國徽時，你們為甚麼不出聲講，使唔使咁盡呀！」

　　不錯，北京一是不出手，一出手，自然一手接一手。

　　身兼香港國安委顧問的中聯辦主任駱惠寧在昨天(15日)「國安教育日」說，中央一向言必行、行必果，對一切危害國家安全和香港繁榮穩定的行為，該出手時就出手，一旦出手必到位，對一切干預香港事務，企圖拉香港作為棋子的外國和外部勢力，該反制就堅決反制，讓他們有點教訓。

(資料圖片)

　　北京就是要你知道「就係咁盡」，否則怎叫教訓？完善選舉辦法未公布前，已經寫了目的要泛民「清零」。但太多人不信，亦太一廂情願，包括行政會議成員湯家驊，還有很多商界人士，即使泛民中人也以為不會去到「咁盡」。

　　這只怪他們不讀歷史，不認識近代中國，才不能在近代中國歷史中汲取教訓。

　　大家是否明白北京的意圖？為了保證三個選舉結果不走樣，不落入港獨和外國勢力代理人手中，自然層層落閘：先是把選委會中原先屬泛民鐵票的社福、教育及高等教育、醫學及衛生、法律和專業界別全改為團體票，又「植入」一些指定團體佔據約一半位置；又加入一個300人選委界別，「稀釋」專業界別和商界的比例；再搞組別提名，「過濾」不合格的參選人；還有一個資格審查的「金剛箍」。

　　即如駱惠寧指，國安法的實施，終結了香港維護國家安全制度的「不設防」歷史；完善選舉制度，則堵塞反中亂港人士通過選舉進入管治架構的制度漏洞。

　　在另一場合，有資深政府顧問認為以後選舉，中央仍然會協調不同建制派的參選。我說在新的選舉形態下，中聯辦再不會再在背後支持謝偉俊和梁美芬他們了，就讓建制派自己打拼吧。他問莫非葉劉淑儀都不出手嗎？

　　以往要團結可以團結的人，是要建立一個建制派統一戰線，商界要團結、鄉親父老要團結、專業人士要團結、泛民也盡可能團結，以維持一國兩制，港人治港。結果是人人為了自己利益，竟然還有人走去外國，叫人制裁自己國家，搞到政府吃力不討好，每條法案都要箍票，經濟社會民生全面下滑。

　　今天，整個政治生態已改變，既然已經是愛國者為主體，統一戰線已經不再需要，還要甚麼協調！

　　在反修例仍未在立法會投票前，有建制派朋友問資深立法會議員，他們是否應該做一些事，例如在報章落廣告支持政府，這建制派人士竟然說「睇定一啲先」。正因為建制派不同心，各自為政，卒之事件演變成暴力衝擊。

　　現在國家隊進場，根正苗紅的工聯會和民建聯將扮演更吃重角色，一個走入群眾、一個加入管治；其他閒雜人等，唔該行開。

　　立法會上星期經過兩日議員踴躍發言，終於都三讀通過《2023年區議會（修訂）條例草案》，正式為香港區議會選舉訂下一個全新「里程碑」，由以往全面直選，改為直選、間選同委任三種方式並存。不過各種嘅議席並唔係「三分天下」，最多市民關注嘅直選議席，就由470席減到只係得返88席。

區會改革發言踴躍

　　立法會經過連續兩日審議，發言嘅議員真係非常踴躍，第一日一開始辯論已經有近60位議員按制話要發言，其後修正案、三讀亦都有唔少議員加入，都應該係完善選舉制度之後，最多議員發言嘅條例草案。不過發言人數多，當然唔代表係「火花四濺」，事關89名議員中（尚餘一個未補選），除立法會主席梁君彥按慣例不投票，其餘88人一致投下贊成票，大家無睇辯論過程都估得到，大部分發言嘅議員，觀點其實都係一條水喉射出來。

　　投票通過之後，Tina同幾位建制派議員傾過，話踴躍發言在於條例對香港政治體制嘅重要性，當然亦都係有「更高層次」嘅溫馨提示希望議員發言支持，不過大家都強調就算無溫提都必定會發言。

　　有議員就坦言，條例草案通過當然無懸念，但成條草案最重要嘅成績表並唔係幾多議員支持通過或者發言，而係嚟緊年底選舉之時嘅投票率。據聞，地區政黨好早已經收到「柯打」，就推高投票率畀意見，指標係高過對上次立法會選舉嘅三成投票率，不過地區人士個個都話呢個任務都幾難完成。

　　有建制派就話，過往七成投票率已經係選舉競爭最激烈之下嘅「天花板」，按照泛民建制六四比黃金比例，三成投票率稱得上係建制票源嘅根本；要推高投票率，只能夠希望過往支持泛民嘅人都出來投票，但就算真係要有泛民人士參與，支持者可能都會認為：「選你出來都係無乜用，咁投嚟做乜？」最終都係徒勞無功。

　　條例草案通過之後，民主黨元老劉慧卿訪問黨主席羅健熙，佢就話都收到黨友有意參選改制後區議會嘅意願。不過參選唔係舉手就得，仲要過三關先入到閘，羅健熙就話未見政府有鬆手跡象，但就會鼓勵黨友嘗試，不以「躺平」態度對待區議會選舉。

　　建制中人就估計，政府既想有民主派人士參與，但又驚放咗入來嘅民主派人全部選贏，咁就好落政府同建制人士嘅面子，所以政府都陷入兩難局面。而呢種兩難亦正正會影響住個投票率，一環扣一環，對於政府而言，區選之路仍然係困難重重。