職場

　　你揀工時、工都揀你，面試除咗係一個互相銷售嘅過程，仲係一個互相試探嘅角力賽。相方會向對方銷售自己，同時亦會試探對方嘅底蘊，了解對方對自己嘅喜愛度，從而為自己爭取最好嘅利益。雖然好多時僱主都係處於主導嘅一方，應徵者經常會被問到一啲較尖銳嘅問題，但其實只要清晰問題嘅動機，應徵者都能夠反客為主。

「覺得自己有乜野缺點」

　　數別人缺點好容易，但同其他人講自己有幾差其實好難。喺面試過程中，應徵者多數時間只會向對方展示自己最好嘅一面，所以當面試官問及自己有乜野缺點時，多數應徵者一時間都會措手不及。

　　其實面試官主要目的有三個：一，考驗應徵者嘅反應，二，了解應徵者真正嘅問題同缺點，三，了解其為人會否過份自大／自信。見過有應徵者回答「我其實冇乜缺點」、「我做事比人好、比人快，所以令其他人有好大壓力」，呢啲都係過份自信變成自大嘅表現。

　　知道自己缺點嘅人，先有進步空間，所以坦白地講出自己嘅缺點，並提出解決方法，係最有效嘅回答方式。「我本身英文唔係太好，同外藉同事溝通時可能會慢一點，但上個月已經報讀英語進修班，相信問題好快會改善」。肯面對問題並主動改善，能令僱主看到你成熟嘅處事手法。另一方面，僱主及早知道你嘅缺點，能夠喺工作上作出適當安排，其實係win-win嘅做法。

　　當然，回答時冇需過份坦白，千萬唔好將自己所有嘅缺點逐一列出，咁做只會有反效果。

「上一份工作離開嘅原因」

　　「你好似份份工都做唔長」、「有少少jumpy」、「點解咁快辭職」等等，都係面試嘅必答題。大多應徵者嘅回應「搵到一份更好嘅工作」、「覺得上一份工唔太適合自己」等類似嘅standard answer，但其實同類嘅問題，可以有更好嘅答法。

　　第一個要點係，千萬唔可以講大話，如果真係被炒魷魚，就要如實回答。但回答時要記得追加補救方法，「因為我處理e-Commerce嘅能力欠佳，所以一年後被公司解僱，但我早前已經報讀咗相關嘅課程，相信而家能夠勝任」。第二點，嘗試將不同公司嘅工作經驗綜合起來，將轉工變成一件必然嘅事，「喺A公司工作，希望得到X嘅經驗，到咗B公司後，我學到Y、Z技能；轉工嘅目的係為咗裝備好自己，之後能夠到一間大公司工作。到咗今日，相信我現在嘅能力，可以喺貴公司有長遠嘅發展」，記得結尾時要提及「喺貴公司有長遠嘅發展」，令面試官更為安心。

「你工作能力欠佳，點解我哋要請你？」

　　上一輩好常用嘅提問手法，但現今嘅面試官就較為少用。呢一類型問題嘅目的有兩個：一，想應徵者講出自己性價比較高嘅地方，加上言語帶少少貶義，希望壓價。二，可能工作時需要長期受壓，想考驗應徵者嘅抗壓能力，有陣時仲會用嚴厲嘅語氣，以尖銳嘅問題去攻擊應徵者，考驗你即時反應，同時間亦可以抬高自己／公司嘅位置。

　　但其實如果真係覺得應徵者能力未能勝任的話，係唔需要問呢一條問題，可以直接結束面試。所以一啲故意攻擊，正正反映出上司對同事嘅工作態度，同公司嘅工作文化，應徵者應考慮該公司／上司／文化是否適合自己，建議應徵者三思。

　　（待續）

　　廿五歲，剛踏入職場，位處公司的最底層，每天 OT 得天昏地暗。一日，她工作至 1:30am，獨自搭的士回家。在吐露港公路飛馳途中，她想起明天的present、inbox裏三十六個未讀郵件、client 不肯妥協的兩難，她有點透不過氣來。

　　壓力到達臨界點，她忍不住落淚。她無意識地打開 WhatsApp，向下滑動三四下，找到一個中學時的好友。與好友上一次對話已是 20 Jun 2018，好友問「dinner friday?」。她當時打到一半的回覆仍在打字欄內，尚未發出。

　　她流著兩行眼淚，一下子將自己的委屈、辛酸向這個「無關痛癢」、忽略了大半年的好友釋放。就是因為「無關痛癢」，她才可以將自己最真實，而且從不會在公司分享的感受講出。

　　人在職場，總需要一個傾訴對象。一個好的傾訴對象需要熟悉你的性格，大致了解你的成長經歷，這樣才可有一段有效率的對話。不然，只會浪費時間解釋你的看法。

　　這個傾訴對象最好是與你的公司或職業全無關係，這樣你就可以暢所欲言，無後顧之憂地宣洩。當然有人亦會覺得 lunch time 在 pantry 「自由講」或「講是講非」都是宣洩壓力的一種，但這種職場「高危活動」的風險未必人人可以承受。

　　要符合以上條件，中學同學（中同）可算是很多人的傾訴對象。你與中同相識於十六、七歲，當時大家一齊溫書、考試，一齊上 PE 堂，放學一齊唱 K、一齊逛 Chicの堡，這些都是大家共同擁有的回憶。時至廿年後的今日，與中同食飯、傾電話，甚至只是 WhatsApp 傾訴，某程度上可令你暫時跳出現實生活，與你識於微時的人一同回到以前熟悉的 comfort zone。

　　如果你身邊擁有一個這樣的中同或好友，敬請務必珍惜，因為疏遠的確很容易。

　　她向這個沒有顯示 last seen 的好友一下子發了超過二十個訊息。最後一個 message 她說：「sorry I meant to dinner with you in June…」

　　打完這個 message，她淚如泉湧，不斷在的士後座抽泣。

　　的確，she really meant to dinner with her in June，因為她當時打到一半的回覆其實是「sor so bc recently, maybe we dinn…」

　　1:56am，她的電話響起，是好友的來電。她姆指向右滑動，與好友一傾又是個半小時。

　　疏遠的確很容易，因為有太多事可以令你分心。但不要忘記，維持其實亦很簡單，講一個二十秒的電話、發一個 message，甚至只是幾個 emoji 都可以。