過往專欄

　　【晴報專訊】特首林鄭月娥早前預告會引入區議員宣誓要求。政制及內地事務局局長曾國衞昨交代修例建議，指會引入「正、負面清單」，訂明擁護《基本法》及效忠特區的定義，宣誓無效或違反誓言者將會被取消參選資格（DQ），但認為要求不苛刻，亦非針對個別黨派。草案周五刊憲，下月17日提交立法會。4名在去年立法會選舉被DQ的區議員，料將失去議席，4人均稱有心理準備。

民主派在前年區選後在17個區議會取過半議席，曾國衞拒評修例會否導致大量民主派議員被DQ。

　　當局昨宣布修訂多項條例，並引入「正、負面清單」，就擁護《基本法》及效忠特區作定義，訂出6項正面及9項負面行為，正面清單包括擁護本港憲制秩序、國家主權及一國兩制等；而負面清單則包括進行危害國安活動、宣揚港獨或拒認國家主權、及損害以特首為主導的政治體制或損害香港整體利益等；又引入區議員宣誓要求；任何人若曾被依法認定違反誓言或不凡符擁護及效忠要求，將失議員資格，5年內亦不得參選特首、立法會及區議會。曾國衞稱，法例不會引入特定追溯期，但不否認法庭日後處理相關案件時，會考慮涉事人以往行為。

曾國衞：要求不苛刻非針對個別黨派

　　當局亦訂明監誓人安排，容許特首指派代表監誓，初步料政務司司長為立法會議員監誓，區議員則由民政事務局局長監誓。

政制及內地事務局局長曾國衞

　　曾國衞昨多次被問及判斷「真誠擁護」及DQ的準則及個別情況是否違誓，他均不願評論，稱有關清單不可能涵蓋所有行為，僅形容「睇情況囉……講真」。至於修例是否針對民主派，曾國衞強調，無針對任何政黨，又指要求不苛刻，「唔會好難通過」，但拒評會否令大量民主派區議員被DQ甚至「區議會真空」。

　　處理違反誓言機制將由律政司司長提出，一經提出，相關人員就要暫停職務。曾指做法符合公眾利益，薪津問題由立會或民政事務局處理，但為加快案件處理，會參考現時選舉呈請機制設越級上訴，若涉案人士不滿高院原訟庭裁決，可直接向終院上訴。

4區議員選立會曾被DQ 修例後料失議席

　　4名區議員去年參選立會選舉期間，被裁定不符擁護及效忠要求，被DQ參選資格。曾明言修例通過後，4人「理論上」會失去區議員資格。東區區議員鄭達鴻昨回應時承認修例一通過，議員生涯就完結。南區的袁嘉蔚亦稱DQ是意料之內，目前只有更確實日期，料不止4人會被DQ。中西區的梁晃維稱，一日是區議員都會繼續服務街坊。荃灣區的岑敖暉稱會履行職務至最後一刻，又指銀行戶口只餘6毫，不擔心被追討薪津。

　　資深大律師兼行政會議成員湯家驊指，法庭會考慮涉事人整體心態去裁定是否擁護《基本法》。港大法律學院首席講師張達明質疑，負面清單中部分用字涉價值判斷，非法律用語。

　　話咁快2023年就去到尾聲，先喺度同各位讀者講句新年快樂，希望2024年大家搵得更多，身體健康。

　　唔少人每到年尾都會為自己定下一個來年嘅目標，希望自己比去年更進一步。2023年底肯定會有470位香港人為訂定目標而感到頭痛，佢哋就係即將上任嘅新一屆區議會議員。

　　上星期五，中央港澳辦、國務院港澳辦主任夏寶龍喺全國港澳研究會成立10周年研討會上發表重要講話，當日仲吩咐所有候任區議員都要出席香港嘅直播「細心聆聽」。夏主任成篇講話嘅主題就係「以實際行動詮釋愛國愛港，奮力譜寫『一國兩制』實踐新篇章」。

港澳辦主任夏寶龍上周五發表重要講話，當中提到區議員要用實際行動為香港做事。（港澳辦網頁圖片）

 　　夏主任發言嘅全文，好強調用「實際行動」而唔再係空口講白話咁去做愛國愛港嘅事，亦特別提到社會上幾個層級要做好嘅工作，除咗特區政府一眾有實權嘅人士之外，區議會、政團社團、工商界別甚至係廣大青年，都應該參與其中，要有行動去令到香港做得更好。

　　470名區議員要有咩行動？夏主任就講到，區議員作為特區政府施政嘅助手、市民解決問題嘅幫手，要做好上情下達、下情上報，更加要將精力放喺服務居民上，把社區居民大事小情放喺心上，了解佢哋嘅急難愁盼，幫助解決日常大大小小問題。

　　有深厚地區服務經驗嘅「區佬」就同Tina講，夏主任嘅講話內容可以話係無乜新意，但細心咁睇亦可以話係處處重點。佢解釋，主任提到嘅工作內容，其實都係過去區議員日常協助居民處理嘅事情，做開嗰班就唔覺得有咩特別。而主任講話要一眾候任區議員坐定定咁聽，一就係要表達新制度下嘅區議會雖然只係諮詢架構，並無實權，但其實都係有實際嘅工作目標，並且要做得到位，唔可以做衰；其二就係要話畀一眾新議員，特別係委任嗰班知道，唔好諗住係委任就唔使做地區服務，佢哋一樣要跟足主任指示，好好咁幫居民排難解憂。

　　服務地區居民，從來都係知易行難，特別一班無政黨無經驗嘅新丁區議員，喺今時今日選區咁大嘅情況下，選區頭同選區尾嘅居民所面對嘅問題都已經可以好唔同，確實係無從入手。全港最大黨民建聯都需要搞一個培訓班為黨內嘅新人補習，聽聞無地區服務背景嗰班新丁依家叫晒救命，希望喺出面搵到有經驗嘅人做盲公竹，甚至有議員打趣咁話，話唔定未來會有更多無黨派議員會陸陸續續加入各大政團，「西瓜靠大邊」，利用大政團嘅資源去幫輕自己嘅工作。