過往專欄

　　【晴報專訊】香港樓價貴、居住面積卻愈來愈細，發展局局長黃偉綸指，正考慮在日後賣地時，制定私人住宅單位的最低面積標準。至於政府能否應付北部都會區及明日大嶼兩大項目，他稱本港20年內有能力投放2萬至2.4萬億元基建工程，並將部分規劃納入現有發展計劃中，縮短都會區的研究時間。

黃偉綸稱會將北部都會區的部分規劃納入現有研究計劃，以縮短研究時間。

　　立法會昨討論施政報告相關政策範疇，有議員關注市民居住面積問題，黃偉綸指未來5年的公營房屋供應正在興建或已落成，短期內難改善居住面積，但私樓短期內可考慮在賣地或批出契約時，制定私人住宅單位的最低面積標準。

　　有議員則質疑政府及建築公司是否有能力應付北部都會區及明日大嶼兩大項目，擔心或會抬高物料價格及工資，致出現「甩漏」，亦有議員認為用20年發展北部都會區時間太長。

林鄭：北部都會區「欲速不達」

發展局局長黃偉綸

　　黃稱，北部都會區新增的土地面積為600公頃，其餘均來自已提出或正在研究的發展規劃，當局會調整規劃研究的界綫，將都會區的部分規劃納入現有研究計劃，以縮短研究時間，有信心政府及建造業界有能力同時應付兩大發展項目，估算本港20年內有能力投放2萬至2.4萬億元基建工程設施。

　　另有議員關注發展郊野公園邊陲地帶，黃指相比郊野公園邊陲，綠化地帶的生態價值較低，政府會先研究300公頃綠化地帶，審視可否興建高密度住宅，主要為公營房屋。

　　特首林鄭月娥昨出席活動時稱，北部都會區是較長遠規劃，許多事情「欲速則不達」，若可爭取在15年內完成，將感到非常安慰。

　　新一屆政府三個司長嘅位置終於都有晒眉目。之前都講過，財政司司長同律政司司長兩個位，陳茂波同鄭若驊留任已經毫無懸念，而政務司司長一職，極有可能會由保安局局長鄧炳強行返李家超舊路。不過李家超上咗北京見過各位領導人之後，風向竟然180度轉變。

　　今日多份媒體不約而同報道，政務司司長(CS)一職的確係由前紀律部隊出任，不過唔係鄧炳強，而係現職特首辦主任嘅陳國基。陳國基做特首辦主任之前，一直係入境處要員，做入境處處長之前更加調過去北京，所以喺內地官場有返咁上下人脈。之但係無啦啦又點會爆咗佢嚟上任CS呢？

陳國基（圖左，政府新聞處圖片）

　　Tina今日即刻問咗好幾位政圈中人，佢地都不約而同咁話，報紙報道之前，佢地都一直以為係鄧炳強做硬CS，所以對於最後由陳國基跑出，的確係有啲意外。其中一位政圈中人就話，照推斷陳國基唔會係李家超推薦名單之上，因為陳的確係林鄭提拔上去，所以呢個最後嘅安排，極可能係出自北京，而目的都係希望一個熟悉整個政府運作嘅人去擔任CS。政圈中人仲話，陳國基擔任特首辦主任五年，稱得上係八面玲瓏，呢個位置的確接觸到不同層面，計落點都好過只係做保安局長都仲未足一年嘅鄧炳強。

　　咁鄧炳強坐唔正，會唔會做副司長？另一位政界人士就話，聽聞呢個機會變得更渺茫，事關副司長要協助司長處理唔少民生政策，更加係要落手落腳去做，鄧炳強嘅強項真係喺保安之上，所以據聞鄧將會留守原職位，繼續鞏固國家安全嘅工作，副司長極可能由AO出身、有政績嘅常秘去出任。

　　政務司副司長未八到係邊個，不過另外兩個副司長，人選似乎已經塵埃落定。上星期講過基本法委員會委員、立法會議員梁美芬將會入政府，呢個只係爭正式公布，至於財政司副司長一職，傳聞發展局局長黃偉綸會升職，協助陳茂波處理最難搞嘅土地房屋問題。