過往專欄

　　【晴報專訊】醫管局主席范鴻齡上周指過去一年有3,100名醫護流失，令人擔憂。此情況亦見諸於衞生署的醫護人手上，據最新數字，衞生署牙醫職系3年累計流失64人，近2個月內多10人離職；而最新空缺增7成，空缺率達16.2%，再創新高。署方承認人手流失及第5波疫情有「嚴重影響」，市民如要進行杜牙根等療程最長要等39個月。

目前輪候衞生署牙科定檢，要等12至18個月；杜牙根、補牙等則輪候6至39個月不等。

　　有業內人士指，政府牙科醫生升遷機會少，加上薪酬脫離市場價，均令人手流失加劇。

　　衞生署牙醫職系離職人數由2020/21年度的15人，增至2021/22的39人；截至今年6月1日，即2022/23財政年度僅2個月已有10人辭職。退休者佔比由約27%，逐年降至10%，出現非正常流失。

　　2022/23年度署方的牙醫職系最新空缺為60人，空缺率達16.2%，創近3年新高，遠超過對上兩個年度的10人和34人。本報翻查立法會文件，截至今年2月，衞生署牙醫職系實際員額（即在職人數）僅322人，較上一年度的349人更少。

定期檢查輪候最少1年

　　現時衞生署牙科除服務公務員、醫院轉介病人及合資格人士等，當中11間診所有止痛及脫牙街症服務。署方指，原有服務目標為新症最快6個月預約，惟人手流失及第5波疫情帶來嚴重影響，須重新安排預約，亦因大量首季預約取消或改期，令輪候時間進一步延長。目前定期檢查要等12至18個月；杜牙根、補牙等跟進治療會按緩急先後，輪候時間由6至39個月不等。

有私家診所月薪$20萬聘新人

　　有資深牙醫指，政府早年裁減高級及顧問級牙醫崗位後，未有填補，升遷有樽頸，有牙醫於1988年入職後從未升職，加上公務員宣誓及移民效應，近年不少人提早退休，甚至重投私人巿場。且政府牙科培訓著重基本功，新人難參與箍牙、拔智慧齒等較複雜療程，對畢業生吸引力亦減，加上疫下執業試叫停2年，每年變相少15至20名海外培訓牙醫加入，均加劇人手荒。

　　有私人執業牙醫指，因「牙科醫美」盛行，私人巿場出價亦高，有診所用20萬元月薪聘請畢業生，相比衞生署新人月薪僅6至8萬元，且屬合約制，優勢較低，「近年協助洗牙的牙齒衞生員亦很搶手，最高月薪6萬元」。他續指，連僅能做學童牙科保健、不能在私人巿場執業的牙科治療師，多了人因須宣誓而離職。

政府醫生協會主席張刻勁指，牙醫人手難補充，工作量及工時增加，惡性循環加劇流失。（資料圖片）

　　政府醫生協會主席張刻勁指，因人手難以補充，每名牙醫要攤分更多工作，工時有增無減，惡性循環下加劇流失。且受社會情況影響，去年起不乏牙醫移民。據悉當局正考慮提升薪酬福利增吸引力，但暫時未有定案。

　　但業界指，隨着牙科學額增加，情況料會改善，「首批73人班即將畢業，學額未來料增至每年100人，加上政府工有房屋津貼等福利，相信仍具競爭力」。

　　近排社會出現兩件比較大嘅事件，雖然本質上係南轅北轍，但結果都係一樣，就係被政府盡早想辦法，將反對嘅聲音盡早撳低。

　　第一個就係全民關注嘅「的士大戰Uber」嘅放蛇事件。警方好幾年未有再打擊白牌車Uber嘅經營，的士業界早就怨聲載道，幾位「的哥」見警方唔做嘢，自告奮勇去放蛇，迫警方「落簿」。事件激發全城市民動怒，過往受過的士千百種氣嘅市民，都齊聲聲討，更有唔少人發起舉報行動，向警方上報各類的士嘅路面違法行為，令到唔少的士司機「白狗當災」。

　　放蛇事件更獲得特首李家超親自回應，並指放蛇人士可能有違法風險，不過「的哥」放蛇行動喺特首開腔之後仍然繼續多一次。而原本呢個星期的士業界諗住搞嘅政總外面請願，以為事在必行之際，點知臨門一腳就取消咗。負責人回覆媒體時就話，並唔係收到有關部門「提示」，而係特首已經回應業界訴求，認為問題已解決，無請願必要。

　　不過據Tina八卦所知，政府一知道有關團體準備請願之後，就已經積極應對，務求團體自行取消有關請願，避免將事件進一步升級。背後嘅想法，就係市民大多對的士服務質素出現一致嘅反感，政府亦都認同，但的士問題難以一下子解決，暫時只希望保持現況，唔好再將事件升級，所以透過唔同人向有關團體「溫提」，最終亦得到正面回應。

近日社會兩單爭議性事件，都被政府壓下去，避免再生枝節。(Shutterstock)

　　另一壇就係喺立法會審議緊嘅《牙醫註冊條例》，要求原本6年制嘅牙醫學生，要花多一年喺公營機構實習，先可以取得執業資格，令到現屆學生非常不滿，認為修例不設過渡期，會令畢業時間推遲，更加打動到審議緊議案嘅立法會議員，打算提出修正案，希望修例令到現屆學生不受影響。不過政府「企得勁硬」，對有關修正案如臨大敵，約見議員希望逐個擊破以外，仲玩「政府消息人士」向報章放料，將一啲未公開過嘅資料，包括「個別牙科畢業生牙都未剝過」，爆畀媒體知。

　　Tina亦有就事件同政壇中人八卦，嗰名人士就批評，政府既然有咁強改革牙科醫生嘅決心，點解唔一早同議員解說，係要去到有議員提出修正案，先透過「消息人士」向傳媒放料？嗰名政壇中人仲話，今次改革唔係憑空爆出嚟，政府實在有責任充分掌握民意先至推出政策，不過依家就聽聞，喺政府態度強硬之下，議員會提修正案嘅機會率每況愈下，似乎最終都係政府原方案上陣。

　　政壇中人就形容，上面兩件事係獨立事件，但政府處理方法都係如出一轍，喺「垃圾徵費」可能胎死腹中之下，現屆政府更要保持管治威信，反對聲音要盡早撳低，以免再生枝節。