職場

　　朋友曾在青山灣區工作時，要出外call 客，上司規定每晚6點15分開會。

　　沒錯，6點15分。

　　一般辦公室時間是朝9晚6，大家君子協定。接近放工時找同事傾兩句還可，但叫齊同事認認真真開會，就是說到6點肯定不能放工。偶一為之，還可；日日如是，就未免不近人情。

　　明明知道6點放工，卻要求同事5點45分前返到公司，然後等到6點15分才開會，這是濫用權力，愚弄下屬。

　　我不會在接近放工時間開會，找同事傾傾想法，現在工作時間朝9晚6，下午5點開會是極限了。我自己開車上班，時間自主性強，但有同事要趕車趕船，情況便不同了。

　　一夜，有同事做得夜，接近7點還未放工。問她，她說工作多剛完成。說還有5分鐘⋯⋯

　　原來她住屯門，有些定時定點行走中環至屯門的邨巴，她要趕車。返到家還要準備晚餐，她說會先叫讀中學的女兒洗米煮飯。

　　搭到邨巴，一小時左右返到家，半小時內一家人可以開開心心吃晚飯；若她趕不到邨巴，要花上個多小時才返到家，還要看看搭不搭到巴士。她說試過9點才返到屋企，一家人要9點幾才吃晚飯。

　　叫她快點趕車，每個同事背後都有故事。

　　做上司的要多體諒下屬，怎麼可能叫同事晚上6:15開會？而且不是偶一為之，而是天天如是。要知道那不是旺角油麻地市區，而是在青山灣，開會開到幾點？開完會同事搭車要幾點返到屋企？

　　上司和下屬，老闆和員工，都是一種對等關係。有些上司還喜歡和下屬講自己，可以一講講幾個鐘……而且多在加班時候……試問下屬哪有時間做事、吃飯、生活和睡覺？

　　這類人，自己的生活一定沒有意思，要用別人的時間填補自己空虛。若不是他有上司或老闆的身份，誰人聽他的？

　　好多打工仔自覺成日唔夠時間用，除咗工作太忙、公司太多豬隊友、老細個腦太細之外，亦因為能做到真・時間管理嘅人唔多。而且不少人對時間觀都唔太了解，結果有再多時間也唔能夠完成工作。以下幾個對時間觀同工作效率嘅誤解，值得大家反思。學懂改善時間管理技巧，就算做唔到時間管理大師，都要學會用較少時間完成更多工作。

「有更多時間，先能夠完成手上工作」

　　首先要明白，如果係自身唔識好好管理時間，就算一日有 36個鐘，你都係唔夠時間用，36個鐘亦會出現36個鐘工作量。不免經常會感到，今日雖然時間好似鬆動咗，但後來又因出現相對嘅工作而變得好忙。歸根究柢重點係高效率，唔係時間多少；當做到高效率時，時間就會變得更多。所以唔係更多時間完成工作，而係更高效率完成工作。

　　要做到高效率有好多方法。老生常談，最先要學懂何時放棄。何時放棄工作質素、何時放棄某啲工作、何時放棄老細每一個要求等等。當然人人都想每件事情做到最好，但如果時間已迫爆時，只能放棄某啲事情。交由他人處理或用錢去處理，都係放棄嘅一種。不過點放棄都好，絕唔可以放棄自己底線，不然就會跌落忙死輪迴之中。

「親力親為係最好、最快」

　　職場上唔難見到好多高效率、高能力嘅同事，通常都係最忙一群，其中一個原因係佢哋傾向凡事親力親為。經常會覺得「我教得佢嚟，我做自己已經做完」，大多都係藉口。因為當你有能力嘅時候，你就有方法搵到對的人、做對的事。其實主要原因係呢類人往往缺乏安全感，一來唔放心交低工作，二來如果自己有太多空餘時間時，反而感到不安。最後習慣自己親力親為，習慣「忙」呢種感覺，沒完沒了嘅壓迫最後迫死自己。親力親為只能換來一刻嘅方便，要以長線嘅高效為目標先係真理。

「時間管理只在於管理工作」

　　好嘅時間管理同高效工作能力，只係助你完成工作嘅一種方法，係所有事情嘅第一步。最終目的係當你完成工作後，先能夠可以好好管理人生唔同事情。千萬唔好自己已經做到高效，而「搵野做」去填補每一個空檔。得閒冇野做，唔代表浪費時間。人生好多更重要的事情需要管理，不論係家庭、朋友，健康、興趣等，以上先係你嘅目標。緊記，100%填滿工作，並非充實人生。