過往專欄

　　Whatsapp最新update俾大家自製sticker，個個拎晒啲黑歷史相出嚟整sticker笑對方。職場上，老友嘅同事咪互相恥笑一下，但你、我總會有幾個人民公敵，「射波王」、「狗頭上司」、甚至「傻仔老闆」相信都係大家嘅整蠱首選。不過，互聯網嘅世界真係冇秘密，創意小sticker陰差陽錯下又去返主角本人身上，老闆決意要搵出兇手。但點解兇手明明在眼前，都可以安全保住命仔？

 

Read more：【奇怪癖好】老闆眼中看出「垃圾美」！專執「垃圾」放滿辦公室

 

 

　　首先講下喺我哋發揮創意下，將目標人物嘅相變成咩sticker。做得目標人物，人緣都唔荒好。著上「牛X津」牌西裝、一個意氣風發嘅笑容、擺埋個雄姿英發嘅pose，最啱配上「ON＿仔」等帶侮辱性但又貼切無比嘅caption。嫌唔夠喉？慈善跑活動中，一張上司著上烏龜服飾嘅相，亦係另一個潛力圖。「歸投成」用盡全身力氣向前壓線，頭上嘅公仔烏龜頭率先過線，令「歸投成」成為比賽第一同時亦得到如此美譽。經過一系列crop圖、退地、加caption，一個個生動而又可愛嘅侮辱版sticker誕生！

 

 

　　上文都提到互聯網嘅世界冇秘密，原本以為圍內先會用嘅低俗sticker，一個個咁返番去事主身邊。上司、老闆被玩，梗係大發雷霆，但問題係，「發」，都要有對象！而「科技恐龍」，或者本身就無知嘅上司唔知應該點樣做，先可以搵出真兇。結果，老闆為咗貪方便，就用左e-mail優雅地恐嚇大家：「有時間唔應該做啲無謂嘅野，應該努力進修自己，為公司投入更多專業。而年尾出花紅嘅日子即將來臨，人事部都喺度計緊數，希望今年嘅花紅可以為各位一整年種下嘅功過作出公平嘅分配。」

 

　　見到呢個莫須有嘅電郵，我哋呢班兇手梗係鬆一口氣，因為知道老闆捉唔到幕後搞鬼嘅我哋。其實，整sticker時改嘅名，都好明顯透露左兇手來自邊個部門，甚至創作者嘅英文名。只怪上司們實在太唔與時並進，忽略咗「名」呢個重要訊息，唔知眼前嘅我哋就係兇手。所以，老闆講得好啱！與其有時間嘅，不如進修下自己，起碼可以係成為箭靶嘅時候，向攻擊你嘅人還手。