【捧住個肚走！】2018最強自助餐推介！精選最啱打工仔去嘅Buffet
#自助餐 #著數速遞 #下午茶 #和牛香港人返工咁辛苦，搵到錢當然要食得好！自助餐一向都得到港人的喜愛，因為任飲任食就最開心了。但全港提供自助餐的酒店和扒房真是多不勝數，令人有選擇困難症……不過你現在可以放心了，因為小編已經為大家搜羅了一系列不同主題的自助餐，重點是：CP值超高！
還等甚麼？快點chick去下一頁睇下有邊間想食啦！之後就跟親朋好友、同事仔約個期，去食餐勁嘅！
1. 東涌酒店限時優惠！自助晚餐$178起
雖然遠就遠D，不過勝在夠抵食！因為諾富特東薈城酒店最近提供期間限定自助餐優惠，客人只需在指定日子光顧，成人可享自助午餐6折優惠，折後只要$138；而自助晚餐更可享半價優惠，即是$178就可以任食。
但不要以為價錢平就一定沒甚麼好食！酒店在午餐、晚餐時段內供應新鮮海鮮及刺身，包括：海螺、三文魚、海蝦等，性價比真的超高！提提你，酒店現時有提供額外優惠，憑酒店指定的會員卡簽帳，可額外再享九折，詳情記得致電查詢。
諾富特東薈城酒店 ESSENCE
地址：東涌文東路 51 號諾富特東薈城酒店大堂
訂座電話：3602 8808
ESSENCE「10月及11月逢星期一自助餐期間限定優惠」
供應日期：2018年10月8日至11月12日期間的每個星期一
自助午餐供應時間：12nn-2:30pm
自助晚餐供應時間：6pm-7:30pm（首輪）；8pm-9:30pm（次輪）
自助午餐成人、兒童收費：$138／位 (成人原價$235／位；小童原價$185／位)
自助晚餐成人、兒童收費：$178／位 (成人原價$355／位；小童原價$285／位)
優惠詳情：Accor Plus卡會員享額外10%優惠
備註：收信用卡、設加一、優惠不適用於節日及特別推廣 、優惠供應需視乎座位情況而定
2. 尖沙咀半價自助餐！任食蟹腳＋芝士焗龍蝦
最近，好像有很多半價的自助餐呢！其中一間就是尖沙咀皇家太平洋酒店，酒店為慶祝開業30周年，所以，自助晚餐最平有半價優惠！此外，它今次的自助餐主題是主打懷舊，環境設計也配合得很好。
而食物方面，重點有蟹腳、芝士焗龍蝦，當然也有其他海鮮、燒牛肉、鐵板燒等冷熱盤。此外，它的雪糕是Mövenpick的，還有11款口味呢！總結：食物共有過百款選擇，還可由6pm吃到9:30pm，食足3.5小時。
尖沙咀皇家太平洋酒店
地址：尖沙咀廣東道33號中港城皇家太平洋酒店園景翼2樓柏景餐廳
電話：2738 2322
「黃金歲月尋味之旅」自助餐詳情
供應日期：2018年9月3日至11月21日
供應時間：6pm-9:30pm
價錢：星期一至五 成人$618、小童$378；星期六、日及公眾假期 成人$668、小童$428
半價訂座網站：https://bit.ly/2tzGM9q
備註：半價優惠提前一日經網上預訂，並繳付全數費用就可享用。但因每日半價名額有限，不過即使半價優惠額滿後，也會有6折、7折等優惠！
3. 8折食喜來登！重點：有日本毛蟹食
尖沙咀喜來登酒店的10月份自助晚餐主題是「德國啤．海鮮控狂歡派對」，叫得做海鮮派對，當然少不了無限量的海鮮供應啦，當中包括了新鮮生蠔、波士頓龍蝦、鱈場蟹腳、加菲蟹、刺身……重點是，每星期五及六仲有日本毛蟹供應，回本完全無難度！
另外，自助晚餐的另一賣點是有德國啤酒飲，供應的品牌是長年高踞德國啤酒銷售榜榜首的Erdinger，啤酒包括 Erdinger Weissbier小麥啤酒及Erdinger Dunkel小麥黑啤。雖然啤酒不是任飲，但每枝$75都算是可接受的水平，可以一試！
喜來登酒店 The Café
地址：香港九龍彌敦道 20 號香港喜來登酒店2樓
預訂和查詢電話：2369 1111
「德國啤．海鮮控狂歡派對」自助晚餐詳情
供應日期：即日起至 2018 年 10 月 31 日
供應時間：晚上 6:30 至 10:00
價錢：星期日至四： 成人每位HK$628，小童每位HK$314；星期五至六、公眾假期及其前夕：成人每位HK$678，小童每位HK$339
優惠詳情：滙豐信用卡有 8 折優惠（需要加一）
4. 西環75折士多啤梨Tea Buffet
如果唔想比幾百蚊食Dinner Buffet，不如考慮下用半價去食下午茶自助餐啦！西環港島太平洋酒店在10月推出全新主題的Tea Buffet，逢周末和公眾假期才供應，啱晒一班打工仔放假去食！今次Tea Buffet的甜品還聯乘美國加州士多啤梨協會，共有6款以新鮮加州士多啤梨製作的甜品登場！
除了甜品外，當然還有不同的鹹食，包你食得飽！全場有約15款冷、熱盤，包括冰鎮海鮮、刺身、車仔麵、水牛城雞中翼、沙嗲雜錦串燒等輪流供應。經網上預訂下午茶自助餐可享高達75折優惠，折後連服務費成人只需每位$193起！
中西．環餐廳
地址：干諾道西152號港島太平洋酒店一樓
電話：2131 5908
下午茶自助餐詳情：
供應日期：2018年10月1日至12月31日 (逢星期六、日及公眾假期)
供應時間：3:15pm-5:15pm
價錢：成人$228、長者及小童 $178
備註：另收原價計算之加一服務費、部分食物輪流供應
5. 沙田酒店任食海鮮半自助餐
如果你是「小鳥胃」，覺得食自助餐唔抵但又要有任食的感覺，最好就是食半自助餐啦！沙田帝都酒店就提供了半自助午餐和晚餐，半自助午餐價錢由$118起，主菜可自選，有安格斯牛柳伴龍蝦尾、肉眼扒、羊扒、炸魚薯條和素菜千層麵等，並可任食沙律吧和甜品。
而半自助晚餐的重點是，主菜可選澳洲M5，自助餐部份還有波士頓龍蝦、鱈場蟹腳4款海鮮，CP值極高！仲有，雪糕是Häagen Dazs喔！
沙田帝都酒店 one+one café & bar
地址︰沙田白鶴汀街8號帝都酒店1樓（顯示地圖）
電話： 2694 3869
悠閒半自助午餐
供應時間：星期一至六 12nn – 2:30pm
價錢：$118起／位，視乎自選主菜而定
備註：另收加一服務費
龍蝦海鮮半自助晚餐
供應時間：星期五至六 6:30pm – 9:30pm
原價：$638
備註：每位奉送意大利氣酒一杯
事不而遲，睇中邊間就快點去Book位拆餐勁啦！