過往專欄

　　養生屬好事，但年輕人未必易接受。有女生自言愛吃韓燒、放題，惟男友經歷喪親，由食肉獸變食齋，戒凍飲甜食兼早睡早起，慨嘆拍拖去街「無啖好食」。有兩性專家指生活轉變需雙方協調及尊重，抱接納之心才有助維繫關係。

　　俗語說「人會變，月會圓。」有女士在討論區指，去年男友有數個親友先後離世，因而變得注重養生，「由以前食肉獸變到食齋，又會11點前瞓，第二朝早又會陪佢媽媽晨運，我哋連夜街都少去咗。」她自言喜歡吃韓燒及放題，惟男友常嘮叨「養生乜乜乜」，為此感困擾。

因親人離世 注重生活突養生

　　大部分「絲打」留言說養生是好事，着女生要珍惜男友。有過來人指男友也是養生族，「最煩喺佢成日計啲嘢（食）嘅糖份。」亦有人因男友食素，起初感「人生無晒樂趣」，後來才發現素食多元化，才漸漸接受。

　　約會公司「214 Dating」活動負責人Tammy指，曾有30歲女生跟40歲男士約會，由於男方對養生甚有要求，約會數次已嚇怕女方，「男方說晚飯不可食澱粉質，打邊爐只可食菜，連食串魚蛋都講一大堆道理，令女方頂唔順。」

　　不過，Tammy亦指有男生投訴女生嫌三嫌四，約會時如服侍公主，「打邊爐又嫌熱氣，食泰菜又話辣，點了食物吃少少便放一旁。」她認為無論是食肉或食素，事前表示意向，互相遷就及尊重，才使對方有興趣繼續約會。

細心做好調節 關係才能維持

　　「約匯」創辦人兼兩性關係導師容會認為，無論拍拖多久，伴侶關係會因轉工、親友離世、疾病或到海外工作等而轉變，關鍵是另一半是否有準備應對，「如個案中女生呻男友食齋，自己卻喜歡食放題，那就約朋友偶爾食放題，平時跟男友揀多元化素食店。」

　　容會又指，曾有金融界男士因失業接受不了打擊，選擇躲起來及獨處，於是跟女友分手。亦有人因其中一方轉工要返夜更，另一半投訴相處減少而鬧分手，這些都是愛情關係面對轉變而無法理順的例子。但她指若是有心走下去，即使生活有轉變，可從中找調節，「努力找出新相處模式，對方會感欣賞」，關係才得以維持。

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」